კოლუმბიის ნაკრების მთავარმა მწვრთნელმა ხოსე პეკერმანმა ხამეს როდრიგესის ტრავმის შესახებ ისაუბრა. მოგეხსენებათ, არგენტინელმა სპეციალისტმა გუნდის ლიდერი სენეგალთა მატჩის 30-ე წუთზე შეცვალა.
“ჩვენთვის ეს არასასიამოვნოა. ამჟამად არაფერი ვიცი ხამესის მდგომარეობის შესახებ. თამაშამდე ის სრულიად ჯანმრთელი იყო და ტრავმის ნიშნები არ ჰქონდა”, - განაცხადა ნამატჩევს პეკერმანმა.
შეგახსენებთ, რომ კოლუმბიის ნაკრები ჯგუფიდან პირველი ადგილით გავიდა და მერვედფინალში 3 ივლისს, ინგლისის ნაკრებს დაუპირისპირდება.
