ფეხბურთი

23:45 | 28.06.2018 | ნანახია 5617 - ჯერ

ეს არაა ფეირ-პლეი: მუნდიალის სირცხვილი!

როგორც მოსალოდნელი იყო, მსოფლიოს ჩემპიონატის H ჯგუფი დაძაბული გამოდგა და ყველაფერი ბოლო ტურში, ბოლო წუთებზე გაირკვა. საბოლოოდ, ისტორიაც დაიწერა – საქმე ისაა, რომ იაპონიის ნაკრები მერვედფინალში უფრო ნაკლები ყვითელი ბარათების წყალობით, ანუ, ფეირ-პლეის წყალობით გავიდა. ასეთი რამ მუნდიალის ისტორიაში პირველად მოხდა.

ბოლოს ისე გამოვიდა, რომ იაპონიისა და სენეგალის ნაკრებებმა ჯგუფური ეტაპი აბსოლუტურად იდენტური მაჩვენებლებით დაასრულეს: 4-4 ქულა, 4-4 გატანილ-გაშვებული გოლები და ფრე, 2:2 პირად შეხვედრაში. შედეგად, ფიფას წესების თანახმად, საქმეში ყვითელი ბარათები ჩაერთო. აზიელები ჯგუფურ ეტაპზე 4-ჯერ, ხოლო აფრიკელები 6-ჯერ გააფრთხილეს და შესაბამისად, პლეი-ოფის საგზური იაპონიას ერგო. ოფიციალურად კი, ფეირ-პლეის უკეთესი რეიტინგის გამო...

რას ნიშნავს ფეირ-პლეი? – ფეირ პლეი სამართლიანი თამაშის პრინციპია და ამასთან არანაირი კავშირი არ ჰქონია იაპონიის ნაკრებს!

სენეგალმა იერი მინასგან გოლი 74-ე წუთზე გაუშვა და როცა ეს ამბავი აზიელებმა გაიგეს, ფეხბურთის თამაშს თავი დაანებს. რა თქმა უნდა, ეს ერთგვარი ეშმაკური ხერხია და აქამდე არაერთ გუნდს გაუკეთებია, მაგრამ აქ მაინც სხვა შემთხვევასთან გვქონდა საქმე.

მოდით, ყველა შევთანხმდეთ, რომ ზოგადად მსგავსი ფაქტი ფეირ-პლეის პრინციპებს კატეგორიულად ემიჯნება და იაპონიამ სწორედ ეს გზა აირჩია. ამ დროს კი, “სამურაი” მერვედფინალში სწორედ ფეირ-პლეის წყალობით გავიდა... უცნაურია, მაგრამ ასეა.

განსაკუთრებით აუტანელი მატჩის ბოლო წუთები გახდა და ტრიბუნაზე მყოფ ქომაგს სტვენა საფინალო სასტვენამდე არ შეუწყვეტია. 88:30 წუთიდან მსაჯის დამატებულ 3 წუთის ჩათვლით იაპონიის ნაკრები ბურთს საკუთარ ნახევარზე ათამაშებდა და ამ დროს მეტოქის ნახევარზე არც გადასულა. ამ ფაქტს დიდად არც პოლონელები შეუწუხებია. ადამ ნავალკა თამაშში იაკუბ ბლაშჩიკოვსკის ჩართვას სცდილობდა, მაგრამ გამოცდილი პოლონელი 3 წუთზე დიდი ხანი ელოდა მოედნის კიდესთან, რომ თამაში შეჩერდებოდა და მინდორზე შევიდოდა, მაგრამ ეს საერთოდ არ ადარდებდათ იაპონიის ნაკრების ფეხბურთელებსა და არც მის თანაგუნდელებს. თამაშის დასრულებამდე 30 წამით ადრე გროსიჩკი მინდორზე დაეცა და აზიელთა კაპიტანმა მაკოტო ჰასებემ ბურთი გადააგდო. ალბათ, ცვლილების მიზნით, მაგრამ მსაჯი კარგად ხვდებოდა მინდორზე შექმნილ ვითარებას და თამაში იქვე დაასრულა. მოკლედ, იაპონიის გეგმამ, სრულად ყოფილიყო დამოკიდებული კოლუმბიის ნაკრებზე გაჭრა და სენეგალი ცოტა არ იყოს, დაიჩაგრა კიდეც.

მოკლედ, ეს ნამდვილად იყო მიმდინარე მუნდიალის სირცხვილი და კიდევ უფრო დიდი სირცხვილია ის, წლების შემდეგ, როდესაც გაიხსენებენ, იტყვიან, რომ იაპონია ჯგუფიდან სამართლიანი თამაშის პრინციპების დაცვით გავიდა. არადა, ასე არ ყოფილა და იაპონიის ნაკრებმა ფეირ-პლეის პრინციპი მკაცრად დაარღვია...

Loading...

კომენტარები (13)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:47 | 30.06.2018
middlesbro (687)

რა ტყულად დავკაგე დრო ამის კიტხვაში.

სენეგალი რომ გასულიყო იგივეს ხომ დაწრდი?
რა შუაშია დაუმსახურებლად გასვლა გუნდს რაც შეძლო და რითიც შეძლო იმ თამაშით გავიდა1/8
ვინმესარც პენალტი უჩუქებია და არც ედმეტადქულა. ნებისმიერ სხვაგუნდსაცშეძლოეგრეგასვლა
სენეგალსტუ გასვლაუნდოდა მოეგო ტამში.

16:10 | 29.06.2018
თორღვა პანკელი (1002)

დაანებეთ ახლა იაპონელებს თავი, ისინი თავისი ერის წინაშე არიან პასუხისმგებელი და ყველაფერი ხუთიანზე გააკეთეს, იაპონია არც ბრაზილიაა და არც საფრანგეთი, მათ ვერ მოთხოვ თავგუდმოგლეჯილებმა შეუტიონ როცა ეს საერთოდ არ სჭირდებათ. საკმარისი იყო სენეგალს გოლი გაეშვა, თამაშის ბოლომდე კოლუმბიელების საჯარიმოში ისე მოიყარეს თავი როგორც ფუტკრებმა სკაში და ისე მწვავედ უტევდნენ მეგონა მოუგებდნენ, როცა გაცილებით უკეთესად შეგიძლია თამაში და არ თამაშობ, სწორედ იმის ღირსი ხარ რაც სენეგალს დაემართა, შემეცოდნენ სენეგალის ნაკრების მწვრთნელი და გულშემატკივრები, რასაც ნაღდად ვერ ვიტყვი ფეხბურთელებზე.

14:15 | 29.06.2018
kelbo (7205)

მარა ისე მარტო ყვითლები რო არ ასახავს ფეირ-ფლეის და ბევრ სხვა რამეს უფრო მეტი მნიშვნელობა რო აქვს ეგ რა თქმა უნდა მასეა...

ჩემი აზრით ფეირ-ფლეისთვის თუ ვინმეს დააჯილდოვებენ, ჯგუფურის მიხედვით ხორვატიას ეკუთვნის

14:10 | 29.06.2018
kelbo (7205)

ზოგიერთმა გუნდმა მთელი თამასი ითამაშა ასე...
რა ახლა რადგან საფრანგეთი-დანია და ბელგია-ინგლისი ცოტცოტას უტევდნენ და თავის ნახევარზე ბურთს არ აჩერებდნენ ამით რამე ამათზე უკეთესი ქნეს?
ბელგიას აღარ მოუთმინა ბოლოს გულმა და ერთი თქვენიცო და წავიდა ბრაზილიასტან სათამაშოდ, თორე არაფერი არ უკეტებია რეალურად ამ 4 გუნდს მთელი 90 წუთი...

სირცხვილი თუ გაინტერესებთ შვეიცარია-კოსტარიკის ბოლო 5 წუთს უყურეთ და მსაჯის მოქმედებას

12:37 | 29.06.2018
# KoRBeN DaLLaS # (12838)

არ იყო სასიამოვნო სანახავი, მაგრამ რას ვიზამთ - პრაგმატიზმი უპირველეს ყოვლისა !!!
ვისაც 2002 წლის იტალია-მექსიკა გახსოვთ, იქ უარესი ხდებოდა. აქ ბურთს მაინც აგორებდნენ და ერთმანეთს პასებს აძლევდნენ, იქ კი ვაბშე დადგნენ და ბოლო 5-7 წუთი მსაჯის სასტვენს ელოდნენ. პარალელური თამაში ეკვადორი-ხორვატია უფრო ადრე დამთავრდა და იქ დაფიქსირებული შედეგი იტალიელებსაც აწყობდათ და მექსიკელებსაც
არ ვიცი, საფეხბურთო ღმერთი რამდენად ბრაზიანია, თუმცა მერვედფინალში ორივე დაისაჯა მაშინ: "სკუადრა აძურა" კორეამ გამოაგდო, "აცტეკები" კი აშშ-მა

11:50 | 29.06.2018
gogssi (3583)

იაპონელები ყველა სფეროში ჭკვიანი ხალხია.. რაც გააკეთეს საქმეს ჭირდებოდა. საფრანგეთმა რაც ითამაშა ეგ იყო თამაშიი? არც ჰოლანდია ინგლისის თამაში მომეწონა, არაფრისმომცემი თამაში რო იყო ზედ შუბლზე ეტყობოდა.

10:23 | 11.07.2018
jofrey (709)

ჰოლანდია-ინგლისის თამაშს რომელ ჩემპიონატზე უყურე?

10:38 | 29.06.2018
federerjamesliverpooldelpotro (9836)

სენეგალმა თავის თავს უნდა დააბრალოს ის რაც მოხდა მაგრამ იაპონიაზე უკეთესი გუნდი მაინც იყო ეს გუნდი

01:02 | 29.06.2018
mjgiri (3313)

სტატია სენეგალელებმა დაწერეს?

01:02 | 29.06.2018
R M A (62)

ესაა დაუმსახურებელი გასვლა?? შეეწუხებინა სენეგალს თავი და მოეგო მისი მატჩი ან იაპონიასთან. საფრანგეთმა და დანიამაც ითამაშეს 0-0 მაგრამ არავინ არაფერი არ თქვა

01:02 | 29.06.2018
BEERTRANCE (97730)

და სენეგალი რას მიკეთებდა? მოენდომებინათ და გაეტანათ, რა პირველად ხდება ეგრე?

01:00 | 29.06.2018
R M A (62)

კომენტარი დაბლოკილია ცენზურის ავტომატური ბლოკირების მიერ, ის შეიძლება დაიშვას მოდერატორის მიერ

00:38 | 29.06.2018
O. Mertskhali (2961)

კრიტიკული სტატიები კარგია და კარგი იქნება უფრო მეტს თუ დაწერთ ხოლმე, თუმცა ნაკლები ყვითელი და ფეარპლეი, ერთმანეთთან პირდაპირ კავშირში ნამდვილად არაა: აქ დაახლოებით იგივე მოხდა, რასაც ყველა გუნდი აკეთებს ხოლმე მაშინ, როცა ორივე გუნდს აწყობს დაფიქსირებული შედეგი

00:22 | 29.06.2018
MatsSundin (1510)

ფეირ პლეის პრინციპები იმდენჯერ დაღვეულა ფეხბურთში (მოგონილი პენალტები,არაფრისგამო გაძევება,არჩათვლილი გოლები,სიმულაციები და ათასი უბედურება) - იაპონელების მამაძაღლობა ამასთან სახსენებელიც არაა. აბა რა უნდა ექნათ? გაშმაგებიით შეეტიათ და მეორე გოლიც გაეშვათ? რაც მოხდა ამაში პოლონელებიც არიან დამნაშავეები. საერთოდ არც ცდილობდნენ ბურთის ართმევაზე თამაშს მეტოქის მოედანზე. ახლა ყველაზე მთავარი - ყვითლების გამო გასვლა გვერდზე გადავდოთ და სენეგალელები რა დედითავისისას აკეთებდნენ? შეეტიათ და გაეტანათ გოლი, მთელი მეორე ტაიმი ბალახს ძოვდნენ და სანამ კოლუმბიამ არ გაურჭო არც უფიქრიათ გამწვავება. ასეა ბიძია,შენი გასაკეთებელი შენ უნდა აკეთო ამიტომ, ყველაფერი ხდება ფეხბურთში და იგებს ის,ვინც ინდომებს, საპირისპიროდაა წაგებაზეც. ასე რომ სენეგალის აფრიკაში გამგზავრებაც მხოლოდ სენეგალისვე ბრალია

სარეკლამო ადგილი - 9
250 x 250
სარეკლამო ადგილი - 20
250 x 188
სარეკლამო ადგილი - 22
250 x 250
0.103654