გერმანიის ნაკრების მთავარი მწვრთნელი იოაჰიმ ლიოვი “ბუნდესნაკრების” ფიასკოზე საუბრობს. გამოცდილი სპეციალისტის განცხადებით, საჭიროა სწორი დასკვნების გაკეთება და ახალგაზრდებზე აქცენტის გაკეთება.

“აქამდე, 10-12 წლის განმავლობაში ყველაზე სტაბილური ნაკრები ვიყავით დიდ ტურნირებზე. ყოველთვის საუკეთესო ოთხეულში გავდიოდით. რა თქმა უნდა, ეს აბსოლუტური იმედგაცრუებაა, მაგრამ გვყავს ახალგაზრდა ფეხბურთელები, ნიჭიერები, რომელთაც აქვთ დიდი პოტენციალი და აქცენტი მათზე უნდა გაკეთდეს.

ჩვენ არ გვინოდა მსოფლიოს ჩემპიონატის ისევ მოგება, ჩვენ არ დაგვიმსახურებია 1/8 ფინალი, რადგან ფეხბურთი არ გვითამაშია. ამიტომ, დამსახურებულად დავტოვეთ ტურნირი.

ახლა ჩვენ მხოლოდ და მხოლოდ, სწორი დასკვნებით გაკეთება გვჭირდება. ჩემი მომავალი? – ვნახოთ, რა იქნება ხვალ”, - აღნიშნა ლიოვმა.

შეგახსენებთ, გერმანიის ნაკრებმა სამხრეთ კორეასთან 0:2 წააგო, ქვეჯგუფში 3 ქულა დააგროვა და ბოლო ადგილზე გავიდა. “ბუნდესნაკრები” დიდი ტურნირების პლეი-ოფში 2004 წლის შემდეგ პირველად ვერ გავიდა. ლიოვს კი, მანშაფტთან ხელშეკრულება 2022 წლამდე აკავშირებს.