შვეიცარიის ნაკრების ფეხბურთელები შერდან შაქირი, გრანიტ ჯაკა და სტეფან ლიხშტაინერი დისკვალიფიკაციას გადაურჩნენ. შესაბამისად, სამივე მათგანი მუნდიალზე თამაშს გააგრძელებენ.

ფიფამ სერბეთთან მატჩში მომხდარ ინცინდენტზე იმსჯელა და ფეხბურთელებს მხოლოდ ფულადი სანქციები დააკისრა: გოლების ავტორები, ჯაკა და შაქირი 10 ათასი შვეიცარული ფრანკით, ხოლო კაპიტანი ლიხშტაინერი 5 ათასით დაჯარიმდნენ.

შეგახსენებთ, რომ გრანიტ ჯაკამ და შერდან შაქირიმ სერბეთის ნაკრების კარში გატანილი გოლები ალბანეთს მიუძღვნეს და ხელებით დროშის სიმბოლიკა, არწივი გამოსახეს. რაც შეეხება ლიხშტაინერს, რომელიც ზემოხსენებული ფეხბურთელებისგან განსხვავებით ნამდვილი შვეიცარიელია, მანაც იგივე გააკეთა, როგორც ჩანს, ემოციურ ფონზე...