ბრაზილიის ნაკრებს დუგლას კოშტა გამოაკლდა. რუსული მედიის ინფორმაციით, 27 წლის ფეხბურთელმა ბარძაყის ტრავმა მიიღო, რომლის მოშუშებას 15-დან 30 დღემდე უნდა დასჭირდეს.

ეს იმას ნიშნავს, რომ ბრაზილიელი შემტევისთვის მუნდიალი ნაადრევად დასრულდა. დუგლას კოშტას მეუღლემ კი, ტიტე გააკრიტიკა და იმედი გამოთქვა, რომ მისი მეუღლე 10 დღეში გამოჯანმრთლედება:

“დუგლასმა ვარჯიშის შემდეგ ტკივილი იგრძნო. “იუვენტუსში” გაცილებით მსუბუქი ვარჯიშებია, ვიდრე ბრაზილიის ნაკრებში. ვიცით, რომ ეს ტრავმა არაა ძალიან მძიმე და ვიმედოვნებთ, 10 დღის განმავლობაში შეძლებს გამოჯანმრთელებას”, - თქვა დუგლას კოშტას მეუღლემ.

შეგახსენებთ, რომ დუგლას კოშტამ მიმდინარე მსოფლიოს ჩემპიონატზე ერთი თამაში ჩაატარა. კოსტა რიკასთან მან 45 წუთი ითამაშა და ნეიმარმა გოლი მისი გადაცემით გაიტანა.