ვაგნერის ოქროს გოლი

მატჩი დაძაბული და რაც მთავარია, დრამატული გამოვიდა. მიუხედავად იმისა, რომ საგოლე მომენტები ორივე გუნდს ჰქონდა, ყველაფერი ნულოვანი ფრისკენ მიდიოდა. თუმცა, ამას არ დასთანხმდა ვაგნერ გონსალვეში, რომელიც მატჩის გმირად იქცა. “საბურთალოს” ლეგიონერმა მსაჯის მეორე დამატებულ წუთზე მოახერხა გამარჯვების გოლის გატანა!

ბექა გვარაძემ მარჯვენა ფლანგიდან საჯარიმოში კარგად ჩააწოდა და იქ ვაგენრმა რუხაიას დაასწრო. მეკარეს შანსი არ ჰქონია და “საბურთალომ” ლიდერობა განიმტკიცა. სხვაგვარად რომ ვთქვათ, ვაგნერმა ოქროს გოლი შეაგდო და მისმა გუნდმა 34 ქულა დააგროვა. “დინამოს” აქტივში კი, 29 ქულა დარჩა და ერთის საფეხურით დაქვეითდა. მეორე პოზიციაზე “დილა” აღმოჩნდა, რომელმაც გუშინ, “სამტრედია” 3:0 დაამარცხა და ამჟამად მეორე პოზიციაზეა.

დღესვე, კიდევ ერთი მატჩი შედგა და იქაც ერთადერთი გოლი გავიდა. აუტსაიდერთა ჯახში “სიონმა” თბილისის “ლოკომოტივს” მნიშვნელოვანი სამი ქულა წაგლიჯა ხელიდან. ერთადერთი გოლი 44-ე წუთზე სიხარულიამ გაიტანა, რომელმაც სტანდარტის შემდეგ საჯარიმოში შექმნილი არეულობით მშვენივრად ისარგებლა და ბოლნისელებმა 13 ქულა დააგროვეს. თუმცა, ჯერაც გასავარდნ ზონაში არიან.

“საბურთალო” – “დინამო” 1:0 (0:0)

გოლი: 1:0 ვაგნერი (90)

“სიონი” – “ლოკომოტივი” 1:0 (1:0)

გოლი: 1:0 სიხარულია (44)

გიორგი მელქაძე

თეგებიეროვნული ლიგა