გერმანიის ნაკრებისა და ლეერკუზენის “ბაიერის” მეკარე ბერნდ ლენო კარიერას ლონდონის “არსენალში” გააგრძელებს. Sky Sports-ის ინფორმაციით, მხარეებმა ყველა დეტალი შეათანხმეს და ტრანსფერის ოფიციალურად დადასტურებას წინ არაფერი უდგას.

“არსენალმა” ლენოს სანაცვლოდ 25 მილიონი ევრო გაიღო. მოსალოდნელია, რომ 26 წლის მეკარე პეტერ ჩეხის ადგილს დაიკავებს ძირითად შემადგენლობაში.

ლენო “შტუტგარტის” აკადემიის აღზრდილია, თუმცა სახელი “ლევერკუზენში” გაითქვა, რომლის კარს 2011 წლიდან იცავდა.

გარდა ამისა, იტალიური გამოცემები იტყობინებიან, რომ “მეთოფეებმა” გენუის “სამპდორიასა” და ურუგვაის ნაკრების ნახევარმცველ ლუკას ტორეირას გაფორმებასთანაც ერთ ნაბიჯშია. სატრანსფერო ღირებულებამ კი 30 მილიონი ევრო შეადგინა.

აღსანიშნავია, რომ “არსენალმა” ლენოსა და ტორეირას შემთხვევაში “ნაპოლის” აჯობა, რომელიც ორივე ფეხბურთელს ეპატიჟებოდა.