იტალიურმა “ნაპოლიმ” მიმდინარე ზაფხულში პირველი ტრანსფერი გაჩარხა. როგორც “აძურის” ვებგვერდი იტყობინება, ამიერიდან “სან პაოლოზე” სიმონე ვერდი ითამაშებს.
25 წლის იტალიელმა ნახევარცმველმა ახალ გუნდთან 5-წლიანი კონტრაქტი გააფორმა, ხოლო “ბოლონიამ” მის სანაცვლოდ 25 მილიონი ევრო მიიღო.
ვერდიმ გასულ სეზონში გამოიჩინა თავი, როდესაც იტალიის ჩემპიონატში 34 თამაშში 10 გოლი გაიტანა. სიმონეს იტალიის ნაკრებში სამი მატჩი აქვს ჩატარებული.
