საფრანგეთის 21-წლამდელთა ნაკრების და უკვე "ტრუას" ყოფილი შემტევი ნახევარმცველი სამუელ გრანდსირი კარიერას "მონაკოში" გააგრძელებს. როგორც "მონაკოს" ოფიციალური ვებგვერდი იუწყება, ახალგაზრდა მოთამაშემ კლუბთან კონტრაქტი 2023 წლის ივნისამდე გააფორმა.

გრანდსირი "ტრუას" აკადემიის აღზრდილია და პირველ გუნდში 2016 წლიდან თამაშობს. გასულ სეზონში სამუელმა ყველა ტურნირზე 40 მატჩი ჩაატარა, გაიტანა სამი გოლი და ექვსი საგოლე გადაცემა შეასრულა. ფეხბურთელის სატრანსფერო ღირებულება ხუთი მილიონი ევროა.