ასაკის წინააღმდეგ მუხლჩაუხრელად მებრძოლი, ცნობილი არგენტინელი მოდელი და მსახიობი, საბრინა როხასი მრავალი წლის ჩუმჩუმელობისა და მალვის შემდეგ, როგორც იქნა გამოტყდა, რომ პლასტიკური ქირურგიის დიდი მოტრფიალეა და მის სხეულზე რაც ოპერაცია გაკეთებულა - ვერა კაცი ვერ მოითვლის.

ადრე, არგენტინული ბულვარული მედია მუდმივად ეჭვობდა საბრინა როხასის სილამაზის ხელოვნურობას, თუმცა ეს ქალი ჯიუტად “იჯდა ვირზე“ და ცოცხალი თავით არ აღიარებდა ამას. ერთხელ თურმე ჟურნალისტსაც კი ეჩხუბა, რომელმაც “გარისკა“ და პლასტიკურ ქირურგიაზე კითხვა დაუსვა.

რამდენიმე წლის წინ, “ყვითელმა“ მოკალმეებმა“ საფუძველი დაუდეს მითქმა-მოთქმას, რომლის მიხედვითაც, თითქოს მადრიდის “რეალის“ პორტუგალიელი ვარსკვლავი, კრიშტიანუ რონალდუ საბრინა როხასს საიდუმლოდ ხვდებოდა. ეს ამბავი კრიშტიანუმაც და საბრინამაც უარყო, თუმცა ჭირი და ჭორი მაინც ჭორადვე დარჩა...