მიუნხენის “ბაიერნსა” და რობერტ ლევანდოვსკის შორის ურთიერთობა კიდევ უფრო დაიძაბა. პოლონელ ფეხბურთელს გერმანიიდან აბარგება სურს, მაგრამ “რეკორდმაისტერმა” მას ფასი დაადო.

Bild-ის ინფორმაციით, პოლონელის გაყიდვა მხოლოდ 200 მილიონი ევროს სანაცვლოდ იქნება შესაძლებელი. “ბაიერნმა” ლევანდოსვკის მკაფიო მესიჯი გაუგზავნა:

“თუ მის აგენტს ხელში 200 მილიონი არ ექნება, ტელეფონსაც კი არ ვუპასუხებთ”, - ასეთია მიუნხენელთა პოზიცია.

შეგახსენებთ, რომ ცოტა ხნის წინ ლევანდოვსკის აგენტმა პინი ზაჰავიმ საჯაროდ განაცხადა, რომ მის კლიენტს კლუბის შეცვლა სურს. პოლონელი ფორვარდის სახელს “რეალს”, “ჩელსის”, “მანჩესტერს”, “იუვენტუსსა” და პსჟ-ს უკავშირებენ. “ბაიერნთან” კონტრაქტი კი 2021 წლამდე აკავშირებს.