მსოფლიოს ნომერ პირველმა ჩოგბურთელმა რუმინელმა სიმონა ჰალეპმა ამერიკელი ალისონ რისკე 2:6, 6:1, 6:1 დაამარცხა. შეხვედრა საათსა და 37 წუთს გაგრძელდა.

პირველი სეტი სიმონამ ჩააგდო და მოულოდნელად 2:6 წააგო. თუმცა მას შემდეგ მსოფლიოს ნომერ პირველმა ჩოგბურთელმა თავის თამაში იპოვა და მეტოქეს შანსი არ დაუტოვა.

მომდევნო ეტაპზე სიმონა ბრიტანელ თაუსენდს შეხვდება, მატჩი 1 ივნისს გაიმართება.

სიმონა როლან გაროსის ფინალში (2014, 2017) ორჯერ გავიდა, თუმცა ორივეჯერ დამარცხდა.