ფეხბურთი

1:59 | 29.05.2018 | ნანახია [] - ჯერ

იტალიური მედიის მოულოდნელი ინფორმაცია: "იუვენტუსი" მაურო იკარდის უახლოვდება

ტურინის “იუვენტუსი” სატრანსფერო “აფეთქებისთვის” ეზმადება – ასეთი შინაარსის სათაურებს ვაწყდებით იტალიურ მედიაში, სადაც დარწმუნებულნი არიან, რომ “ბებერი ქალბატონი” მილანის “ინტერის” თავდამსხმელი მაურო იკარდის შეძენას გეგმავს და ქმედითი ნაბიჯების გადადგმაც დაიწყო.

როგორც ცნობილი ხდება, “იუვენტუსს” ზაფხულში გონსალო იგუაინი დატოვებს, რომელსაც ლონდონის “ჩელსის” აქტიურად უკავშირებენ. “იუვე” “პიპიტას” გაყიდვით 55-დან 70 მილიონ ევრომდე გამოიმუშავებს.

იკარდი კი 110 მილიონ ევროდ ფასობს. ტურინელები თანხმა არიან, რომ აღნიშნული თანხა გაიღონ და 25 წლის ფორვარდი “ალიანც სთედიუმზე” იხილონ.

საგულისხმოა, რომ “ინტერის” მთავარი მწვრთნელი ლუჩანო სპალეტი დარწმუნებული არაა, რომ არგენტინელი გოლეადორი “ნერაძურის” რიგებს არ დატოვებს. ვნახოთ, როგორ განვითარდება მოვლენები, როგორც წესი იტალიურ მედიაში ცეცხლი უკვამლოდ არ ჩნდება...

0.112946