მადრიდის “რეალისა” და ჩემპიონთა ლიგის ფინალის გმირის, გარეთ ბეილის გზები სავარაუდოდ გაიყოფა. ბრიტნაული მედია იტყობინება, რომ უელსელი შემტევის მიმართ სერიოზულ ინტერესს “მანჩესტერ იუნაიტედი” იჩენს.

Independent-ის ცნობით, “წითელი ეშმაკები” მზად არიან, რომ “რეალის” ბიუჯეტი 140 მილიონი ევროთი შეავსონ. კიდევ უფრო დიდ თანხას ასახელებს გამოცემა The Sun-ი – 227 მილიონი ევრო და სეზონში ხელფასის სახით 38.5 მილიონი...

აღსანიშნავია, რომ “რეალის” დატოვების სურვილი “ლივერპულთან” (3:1) მატჩის შემდეგ თავად ბეილმაც დაადასტურა:

“ჩემს აგენტს უნდა ვესაუბრო, რადგან ყოველ კვირას თამაში მსურს”, - აღნიშნა ბეილმა.

ფაქტია, უელსელი ფეხბურთელი ზინედინ ზიდანისთვის შეუცვლელი არაა და გასულ სეზონში ძირითად შემადგენლობაში საკმაოდ იშვიათად ათამაშებდა.