იტალიურმა “მილანმა” გენუის “სამპდორიასა” და ხორვატიის ნაკრების მცველი ივან სტრინიჩი დაიმატა. აღნიშნული ინფორმაცია თავად 30 წლის ფეხბურთელმა დაადასტურა, რომელმაც განაცხადა:

“სეზონი ახლახან დასრულდა. ასე რომ, შემიძლია ვთქვა, რომ “სამპდორიას” ფეხბურთელი აღარ ვარ, რადგან “მილანთან” სამწლიანი კონტრაქტი გავაფორმე. სავარაუდოდ, კლუბი ამის შესახებ მსოფლიოს ჩემპიონატის დასრულების შემდეგ გააკეთებს განცხადებას”, - თქვა სტრინიჩმა.

ივან სტრინიჩმა სახელი უკრაინულ “დნიპროში” თამაშით გაითქვა, საიდანაც 2015 წელს “ნაპოლიში” გადაბაგრდა. ნეაპოლიტანურ გუნდში ხორვატმა მარცხენა მცველმა ფეხი ვერ მოიკიდა და ერთი წლის “სამპდორიას” წევრი გახდა.

გასულ სეზონში სტრინიჩმა გენუელთა ღირსება 16 მატჩში დაიცვა და გოლი არ გაუტანია.