ფეხბურთი

2:55 | 27.05.2018 | ნანახია [] - ჯერ

მომო სალაჰი მსოფლიოს ჩემპიონატზე სავარაუდოდ ვერ ითამაშებს

ინგლისური “ლივერულის” თავდამსხმელი მოჰამედ სალაჰი მსოფლიოს ჩემპიონატზე დიდი ალბათობით ვერ ითამაშებს. 25 წლის ფეხბურთელმა მხრის ტრავმა მადრიდის “რეალთან” ჩემპიონთა ლიგის ფინალში მიიღო და შესაცვლელი გახდა.

ჯერჯერობით ზუსტი დიაგნოზი უცნობია. თუმცა, როგორც იურგენ კლოპმა თქვა, ეგვიპტელი რისკის ქვეშ იმყოფება და სავარაუდოდ მხრის მოტეხილობა აღენიშნება.

“სალაჰის ტრავმა სერიოზულია. ახლა ის საავადმყოფოში იმყოფება, შესაძლოა მხრის მოტეხილობასთან გვქონდეს საქმე. მომო რისკის ქვეშაა”, - განაცხადა გერმანელმა.

ბრიტანული მედიის ცნობით, ეგვიპტის ნაკრებს რუსეთში თამაში ლიდერის გარეშე მოუწევს, რადგან სალაჰი მოედანზე გასვლას 12-14 კვირის განმავლობაში ვერ მოახერხებს. ეს კი, იმას ნიშნავს, რომ აფრიკელი დამდეგი სეზონის დასაწყისსაც გამოტოვებს. აღსანიშნავია, რომ სალაჰი დაჯილდოვების ცერემონიაზე არ ყოფილა, რადგან საავადმყოფოში იმყოფებოდა.

შეგახსენებთ, სალაჰმა ტრავმა “რეალთან” მატჩის პირველ ტაიმში მიიღო სერხიო რამოსთან შეჯახებისას. ბევრი მიიჩნევს, რომ ესპანელმა მცველმა “ლივერპულის” ლიდერის წინააღმდეგ განზრახ იუხეშა...

0.130817