უელსის ეროვნული ნაკრების და მადრიდის "რეალის" შემტევი გარეთ ბეილი ინგლისის პრემიერლიგაში დაბრუნების წინააღმდეგია. ბოლოდროინდელი ინფორმაციით, ლონდონის "ტოტენჰემის" ყოფილი ფეხბურთელის შეძენა "მანჩესტერ იუნაიტედს" სურს.
"ბეილს ინგლისში დაბრუნება არ სურს. მადრიდში იგი თავს კარგად გრძნობს და უნდა "რეალის" რიგებში დიდხანს ითამაშოს. ჭორები "მანჩესტერ იუნაიტედთან" დაკავშირებით, სიმართლეს არ შეესაბამება," - განაცხადა ფეხბურთელის აგენტმა.
მიმდინარე სეზონში ბეილს ტრავმის გამო რამდენიმე შეხვედრა გაუცდა. შემტევმა “სამეფო კლუბის” მაისურით სულ 14 მატჩი ჩაატარა, გაიტანა 6 გოლი და 5 საგოლე გადაცემასაც მოუყარა თავი.
