სეკივაკე ტოჩინოშინი მაისის ბაშოზე ერთპიროვნულად გალიდერდა და ოძეკის წოდებას კიდევ ერთი ნაბიჯით მიუახლოვდა. ლევან გორგაძემ მიმდინარე სუპერტურნირზე წაუგებელი სვლა იაპონელი მესამე მაეგაშირა იუტაკაიამას ძლევით გააგრძელა(VIDEO). ქართველმა სეკიტორიმ მეექვსე ქულა აიღო და ქულით გაუსწრო უმთავრეს კონკურენტს – იოკოძუნა ჰაკუჰოს, რომელმაც დღეს მეორე მაეგაშირა აბისთან წაიფორხილა.
ტოჩინოშინის მსგავსად, გაგამარუს შიკონათი ცნობილმა თეიმურაზ ჯუღელმაც გამარჯვებით დაასრულა მეექვსე ტური და უარყოფითი ბალანსი ორ ქულამდე შეამცირა – 2:4.
ხვალ გასამართ მეშვიდე ტურში ლევან გორგაძის მეტოქე კომუსუბი ენდო იქნება. მას ტოჩინოშინი აქამდე ექვსჯერ შეხვდა და საერთო ანგარიშია 3:3. ასეთივე ბალანსი აქვს ენდოს მიმდინარე ბაშოზე.
