“ნიუკასლის” მთავარმა მწვრთნელმა რაფაელ ბენიტესმა შესაძლოა კლუბი შეიცვალოს და “ვესტ ჰემი” ჩაიბაროს. აღნიშნულ ინფორმაციას Sky Sports-ი ავრცელებს.

“ჰამერებმა” გასულ კვირას დაითხოვეს შოტლანდიელი სპეციალისტი დავიდ მოიესი, რომელმაც კლუბი 2017-2018 წლების სეზონის დასაწყისში ჩაიბარა, თუმცა მის მიერ გაწვრთნილი “ვესტ ჰემი” პრემიერლიგაში მხოლოდ მე-13 ადგილს დასჯერდა და როგორც ჩანს ხელმძღვანელობას ეს შედეგი არ აკმაყოფილებს.

თავის მხრივ ბენიტესის მიერ გაწვრთნილმა “კაჭკაჭებმა” მე-10 პოზიციაზე დაასრულეს სეზონი და კლუბს მისი შენარჩუნება სურს.

აქვე გეტყვით, რომ “ვესტ ჰემის” მწვრთნელის პოზიციაზე უნაი ემერისაც მოიაზრებდნენ.