“მანჩესტერ სიტის” ნახევარმცველმა იაია ტურემ ყველაზე უხერხული მეტოქე დაასახელა. აფრიკელი ფეხბურთელისთვის ასეთი “მანჩესტერ იუნაიტედის” შუახაზელი ნემანია მატიჩი აღმოჩნდა.
“მძულს ის ნაძირალა! მასთან თამაში რთულია, რადგან ძლიერი და მაღალია”, - თქვა მომღიმარი სახით ტურემ, რომელიც აგრძელებს:
“ადვილი არაა მეტოქის პოვნა, რომელიც შემაჩერებს, მაგრამ მატიჩი ერთ-ერთი მათგანია, რომელმაც პრობლემები შემიქმნა. მან იცის, როგორ იბრძოლოს და ეს შესანიშნავია”.
ტურემ კომენტარი “მანჩესტერ სიტიდან” წასვლის თაობაზეც გააკეთა:
“ყველამ იცის, რომ მიყვარს აგუერო, ასევე დავიდ სილვა და კაპიტანი კომპანი. დამაკლდებიან ჩემი პატარები სტერლინგი და სანე. ისინი ჩემს შვილებს ჰგვანან”, - განაცხადა ტურემ.
შეგახსენებთ, იაია ტურე “მანჩესტერ სიტიში” 2010 წლიდან მოყოლებული თამაშობს და მიმდინარე სეზონის დასრულებისთანავე გუნდს თავისუფალი აგენტის სტატუსით დატოვებს. ჯერჯერობით, უცნობია სად გააგრძელებს კარიერას კოტ დივუარელი ფეხბურთელი.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია