ჭიდაობა

23:00 | 6.05.2018 | ნანახია 3138 - ჯერ

ორი წაგებული ფინალი და ევროპირველობა ოქროს გარეშე

საქართველოს თავისუფალი სტილით მოჭიდავეთა ნაკრებმა ევროპის 2018 წლის ჩემპიონატი 6 მედლით ჩაამთავრა. ვლადიმერ ხინჩეგაშვილის (65 კგ), ზურაბ იაკობიშვილისა (70 კგ) და ელიზბარ ოდიკაძის (97 კგ) მიერ გუშინ მოპოვებულ ბრინჯაოებს, დღეს თავისი წილი მედლები მიუმატეს ბექა ლომთაძემ (61 კგ), სანდრო ამინაშვილმა (86 კგ) და გენო პეტრიაშვილმა (125 კგ). ლომთაძემ და პეტრიაშვილმა ფინალში იჭიდავეს და პოდიუმის უმაღლეს საფეხურამდე ორივეს გადამწყვეტი გამარჯვება დააკლდა, ხოლო ამინაშვილმა მესამე საპრიზო ადგილი დაიკავა.

კასპიისკის ხალიჩაზე ბექა ლომთაძემ ფინალის გზაზე ორი მეტოქე ჩამოიშორა – რუმინელი ივან გუიდეა (11:0) და აზერბაიჯანელი მირჯალალ ჰასან ზადა (12:0). ფინალში კი რუსეთის ნაკრების წევრ ჰაჯიმურატ რაშიდოვთან 1:4 დამარცხდა. ლომთაძემ ევროპის ჩემპიონატის ფინალში მეორედ წააგო. პირველად 2015 წელს დაეუფლა ვერცხლს. 2016 წელს კი მსოფლიოს ჩემპიონის ტიტულამდე დააკლდა ასევე ერთადერთი ნაბიჯი.

ევროპის ჩემპიონატი ტრადიციულად, მძიმეწონოსნების ფინალით დაგვირგვინდა. მსოფლიოს და ევროპის ჩემპიონი გენო პეტრიაშვილი კარგად ნაცნობ მეტოქეს - ოლიმპიურ, მსოფლიოს 2-გზის და ევროპის აწ უკვე 6-გზის ჩემპიონს, თურქ ტაჰა აკგულს დაუპირისპირდა. მსოფლიოს შარშანდელი ჩემპიონატის ფინალში სწორედ ამ მძიმეწონოსნებმა იჭიდავეს ოქროს მედლისთვის და ტიტულს პეტრიაშვილი დაეუფლა. ამჯერად კი დაძაბულ ბრძოლაში საწადელს აკგულმა მიაღწია – 2:1.

ფინალამდე გენო პეტრიაშვილმა ავსტრიელი იოჰანეს ლუდეშერი (11:0) და პოლონელი რობერტ ბარანი (10:0) დაამარცხა.

სანდრო ამინაშვილმა ოქროს მედლისთვის ბრძოლის გაგრძელების შანსი ნახევარფინალში დაკარგა, ევროპის სამგზის პრიზიორთან – აზერბაიჯანელ ალექსანდრ გოსტიევთან წაგებით (0:6). იქამდე ამინაშვილმა უკრაინის ნაკრების წევრი მრაზ ჯაფარიანი (9:2) და შვეიცარიელი შტეფან რეიხმუტი (4:0) ჩამოიშორა. რეპეშაჟის ფინალში კი გერმანიის სახელით მოჭიდავე ახმედ დუდაროვს დაუპირისპირდა და ფრეს დასჯერდა (4:4), მაგრამ ბოლო ილეთის ხარჯზე იმარჯვა.

საპრიზო სამეულში მოხვედრა ირაკლი მწითურსაც (92 კგ) შეეძლო, რომ არა რეპეშაჟის ფინალში, უკრაინელ კირილო მიეშკოვთან შეხვედრის ბოლო წამზე გაშვებული ქულა. ამ ილეთით მიეშკოვმა ანგარიში 6:6 გახადა და სამეულიც გაინაღდა. მწითური კი მეხუთე ადგილზე გავიდა.

"ბრინჯაოს ფინალში” ქართველი მოჭიდავე ნახევარფინალიდან გადაერთო, სადაც ოლიმპიურ, მსოფლიოს 2-გზის და ევროპის აწ უკვე 3-გზის ჩემპიონთან - რუსეთის ნაკრების წევრ აბდულრაშიდ სადულაევთან ვერას გახდა (2:12). იქამდე მწითურმა ბელარუს ივან იანკუსკის (4:4) და სომეხ შამირ ატიანს (3:0) სძლია.

დღესვე ევროპის ჩემპიონ-პრიზიორები 74 კილოგრამ წონით კატეგორიაშიც გამოვლინდნენ. საქართველოს სახელით ევროკონკურენციაში ავთანდილ კენჭაძე ჩაება, მაგრამ პირველსავე შეხვედრაში დამარცხდა მსოფლიოს და ევროპის ორ-ორგზის ჩემპიონთან, იტალიის ნაკრების წევრ ფრანკ ჩამიზო მარკესთან (4:9). ეს უკანასკნელი ფინალამდე ვერ მივიდა და კენჭაძეს ბრინჯაოს გზაც ჩაეკეტა.

სარეკლამო ადგილი - 25
710 x 104
Loading...

კომენტარები (21)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
16:41 | 11.05.2018
federer (17) (13423)

judoge (50)
რომ არა გენო რატო ვერ იქნებოდა შენი აზრით ტაჰა ტედის და ჩემს მიერ ჩამოთვლილი სხვა სპორცმენების გვერდით?
ბოლოს 2013 წელს წააგო და მაგის მერე ყველას უშანსოდ ამარცხებს და გენოს დამსახურებაა რომ 1-1 მსოფლიოს და ევროპის ჩემპიონატის ოქროს მედლით ნაკლები აქვს.
დღეს ტაჰას ექნებოდა 1 ილიმპიური ოქრო, 3 მსოფლიოს ოქრო და 7 ევროპის ჩემპიონობა და ჯერ 27 წლისაა და 4-5 წელი გენოს გარდა ვინ უნდა დაუდგეს წინ

16:44 | 11.05.2018
federer (17) (13423)

რაც შეეხება ძიუდოს და თავისუფალს სულ სხვადასხვა სპეციფიკაა და თავისუფალში წარმოუდგენელია ისე იჭიდავო რომ 10 წელი ქულა არ გაუშვა. ძიუდოში შეგიძლია მუცელზე დავარდნა და ქულა არაა და თავისუფალში მუცელზე დავარდნა 2 ქულაა და ილეთიდან გამოსვლის საშუალებები გაცილებით ნაკლებია თავისუფალში ვიდრე ძიუდოშიი

21:35 | 10.05.2018
sabonis (7862)

ტახაც ეტყობა, მაგრად აფასებს გენოს ბოლოს ძაან თბილად მოექცა.

13:37 | 14.05.2018
federer (17) (13423)

ბარსა რეალივითაა უკვე მაგათი შეხვედრა ჭიდაობის კლასიკოაა

15:51 | 10.05.2018
judoge (61)

Genos ra chirs chamosaweri, magari mochidavea magram chemi rogorc gulshematkivris rchevaa cota shejibrebi sxvebsac dautmos sul tviton nu dadis sxva bichebsac misces cdis uflebaa da tavis gamochenis

09:52 | 12.05.2018
sabonis (7862)

მერედა მოუგოს იმ სხვა ბიჭებმა საქართველოს ჩემპიონატში გენოს და წავიდნენ ვინ უშლით?D

22:53 | 12.05.2018
federer (17) (13423)

ღმერთმა დაიფაროს გენო იმ დონემდე ჩამოვარდეს რომ საქართველოს ჩემპიონატზე წააგოს. აკგულის გარდა კონკურენტი არ ყავს გენოს მსოფლიოშიი

00:09 | 10.05.2018
BEERTRANCE (96517)

ასე 1 ხელის მოსმით არ უნდა ჩამოწეროთ გენო. კიდევ არა1-ელ გაგვახარებს.

21:37 | 09.05.2018
bedena (79)

თურქმა შეცვალა ტაქტიკა,დაბალი "სტოიკით" ეჭიდავა გენოს. მსოფლიოზე ფინალში, სხირელი მოუწოდებდა გენოს გვერდიდან შესულიყო ფეხში.ევროპის ფინალში სცადა 2-ჯერ შესულიყო გვერდიდან,მაგრამ კარგად დაიცვა თავი თურქმა. იმედია გენო მსოფლიოზე მოუგებს,სულ ასე მომზადებული,ხომ არ იქნება ტახა.

20:39 | 09.05.2018
judoge (61)

Tedis da tahas shedareba ar sheizleba chemis azrit tedis qulas ver ugebs 10 welia beravin da taha chveulebrivi kargi mochidavea rogorc geno

20:35 | 09.05.2018
judoge (61)

Tedis da tahas shedareba ar sheizleba chemis azrit tedis qulas ver ugebs 10 welia beravin da taha chveulebrivi kargi mochidavea rogorc geno

22:52 | 07.05.2018
federer (17) (13423)

გენოზე ვინც იმას იტყვის რომ ცუდად იჭიდავაო აზრზე არაა ჭიდაობის, ხალხს ტაჰა აკგული სოფლის მოჭიდავე გონიათ ტიპი ლეგენდაა უკვე და გენომ შეუყენა წყალი აკგულს და ორჯერ დაამარცხა ტაჰა და კიდევ არაერთხელ დაამარცხებს დამერწმუნეთ.
რომ არა გენო ტაჰას ქონდა პოტენციალი გამხდარიყო ისეთი დომინანტი მოშიდავე როგორიც არიან კლასიკურში კარელინი და ლოპესი, ძიუდოში იამასიტა და ტედი რინიერი და გენო არის ის კაცი რომელიც უშლის ხელს აკგულს ამათ გვერდით რომ დადგეს

17:58 | 07.05.2018
judoge (61)

Fizikurad waago tore iletebis koria:-) nteli daayena

16:35 | 07.05.2018
arsena8 (288)

იმდენი იძახეს გენო ასეთია და ისეთია, ამას იზამს და იმას იზამს, ნიჭიერია და ტალანტია, მოკლედ დიმპიტაური-დამპიტაური და ... ასე ბანალურად,ქართულად-ყოველგვარი ძალისხმევის გარეშე წააგო !

22:42 | 07.05.2018
federer (17) (13423)

თამამად შემიძლია გითხრა რომ აზრზე არ ხარ ჭიდაობის
ტაჰა აკგულს 3 წლის მანძილზე კაცი ვერ უგებდა და ბოლო 2 წელიწადში 2-2 არის გენოს და ტაჰას ანგარიში და რას ითხოვ მეტს ჯერ ახალგაზრდაა გენო და ტოლსწორად ეჭიდავება ჭიდაობის ისტორიაში ერთერთ საუკეთესო მოჭიდავეს.
ასეთი შეშინებული აკგული მე არ მინახავს არასდროს და მსაჯებმა მაგრად მიქარეს თორემ გაფრთხილება ეკუთვნოდა აკგულს და გენომ კიარ იჭიდავა აკგულმა არ აჭიდავა აკრძალული ხერხებით და ასეთ ლეგენდარულს სპორცმენს ერთი შეტევაც არ ქონია და კიდე გენოთი ხართ უკმაყოფილოო

16:14 | 07.05.2018
კორბენ ტანჯული (11023)

მაგრად გამიტყდა რაა... გენომ აღარ უნდა წააგოს აკგულთან, მასზე დიდი პოტენციალის სპორტსმენია და ამის დემონსტრირება ტაჰასთან გამართულ ყველა შეხვედრაში უნდა მოახდინოს.
ნაღდად არ მეგონა, რომ საბოლოოდ იმ ჩელენჯის არგამოყენება გახდებოდა გადამწყვეტი. ვფიქრობდი, ბოლო წუთნახევარში რამდენჯერმე აუღებს ფეხს და მარტივად მოაყომარებს მეთქი.

13:45 | 07.05.2018
tiko (5505)

გენომ ევროპა ვერა მარა ზატო მსოფლიო ფინალი მოუგო ტაჰას

13:44 | 07.05.2018
tiko (5505)

გულდასაწყვეტია ოქროს გარეშე რომ დავრჩით მაგრა მალადეც გენოს ულოცავ ვერცხლის მედალს, სხიერელს ჩელენჯი უნდა შემოეგდო ჩემი აზრით

11:58 | 07.05.2018
federer (17) (13423)

გენო 4 წლით პატარაა ტაჰაზე და 2-3 წელი თანაბარი შესაძლებლობებით იჭიდავებენ და მერე უკვე აკგულს ასაკიც შეუშლის ხელს გენოსთან პაექრობაშიი. შემდეგი ოლიმპიადა გენოსი უნდა იყოს და მომდევნო ოლიმპიადამდე დომინანტი იქნება მსოფლიოშიი

11:05 | 07.05.2018
Swiss Maestro (7735)

და ყველაზე თვალშისაცემი რაცააა და რაზეც ნერვები მეშლება რუსები მაგრად გვაფარჩაკებენ რასაც ქვია კლასიკურშიც და თავისუფალშიც და ძიუდოშიც კი ძიუდოში იმდენად არაა მათი უპირატეობა მაგრამ ბერძნულ რომაულში და თავისუფლებშიც მაგრად გადგვიარეს ამ ევროპაზე ორივეში ჩვენების 90 პროცენტმა რუსებთან წააგო ჩვენ კიდე გავიძახით რომ რუსებს ვჯობივართო ჭიდაობაა ჩვენი სპორტია ჯობია რეალობა შევხედოთ და კარგდ აღვიქვათ თავიუსფლებში დღეს 10 წონითი გატეგორიაა და რუსებს ჩვენი ნაკრები რომ დაუპირისპირო დიდი ამ 10 წონით 3 ვაჯობოთ დარნაჩენში გადაგვივლიან დაჯე ისიც საკითხავია იმ 3 წონაშიც ვაჯობებთ რომ? ერთად ერთი წონა სადაც რუსებს 100 პროცენტით ვჯობივართ ეს მარტო მძიმეწონაააა

19:54 | 07.05.2018
giogobi (107)

რომელი იყო რუსი? ვინც აიღო მედალი ან ვერ აიღო. ერთიც კი არ ყოფილა. კავკასიელები იყვნენ ყველა. მანდ ყველა სოფელში საჭიდაო დარბაზია და არ არსებობს ბავშვი, რომელიც არ ჭიდაობს, ბიჭებზე მაქვს საუბარი. პლუს ხელშეწყობა აქვთ შესაბამისი და ჩვენ უბრალოდ ვერ შევედრებით, არ გვაქვს ადამიანური რესურსი ამდენი

23:39 | 07.05.2018
luka08 (271)

მერე რა ,რომ კავკასიელები იყვნენ , არ არის კავკასიის ის ნაწილი რუსეთი დღეს , მანამდე 300 წელი და აწიც რამდენ ხანს იქნება უფალმა იცის . მაგ ლოგიკით სანეევი ჩვენი არ ყოფილა , არც გუცაევი , არც კალოევი ,დარასელია, დერიუგინი და ბევრი სხვაც კიდევ . არადა , მიუხედავად მათი წარმომავლობისა , ჩვერნები არიან , ქართული ჯიგარით და საქართველოსთვის თავდადებით . ადამიანურ რესურსზეც ვერ დაგეთანხმებით , რადგან ადამიანური რესურსი ჩვენ დაღესტნელებზე და ოსებზე ნაკლები არ გვაქვს . აი , ხელისშეწყობაზე დაგეთანხმებით აბსოლიტურად . ვერცერთ საქმეში ვერ იქნება წარმათება , თუ ამ საქმით დაკავებული პროფესიონალი თავს ვერ ინახავს და კიდევ დამატებით დარბის სადღაც პურის ფულისათვის , ბინის ქირისათვის , კრადიტის პროცენტის და ა.შ. საქოვნელად. ეს კი ჩვენთან ჩვეულებრივი ამბავია სამწუხაროდ.

21:47 | 08.05.2018
giogobi (107)

რუსეთია, გეთანხმები და კიდევ დიდხანს იქნება. მაგრამ კავკასიაა და ისეთი გენეტიკური კოდი აქვთ ჭიდაობის როგორც ჩვენ, ამას ვგულისხმობდი ზემო კომენტარშიც მეგობარო. ასე რომ არც სანეევი და გუცაევი არა აქ სახსენებელი, რადგან სხვა კონტექსტი იყო. რაც შეეხება რესურს, მარტო დაღესტანში ცხოვრობს იმდენი მოსახლეობა რაც საქართველოში, დაუმატეთ ოსეთი, ინგუშეთი და პრინციპში ჩეჩნეთიც და 2 ჯერ მეტი გამოვიდა ვიდრე ჩვენა ვართ. ახლა ეს ჩვენი ორჯერ ნაკლები რესურსი უნდა გავანაწილოთ ფეხბურთზე , კალათბურთზე, რაგბზე და კიდევ სხვა სახეობებზე, იქ კი თირითადად ჭიდაობაზე, იმდენი მოჭიდავე ყავთ აგერ სხვა ქვეყნის ნაკრებებიც კი შეავსეს და რამდენჯერ მოხდა ორი, რუსეთის კავკასიიდან წამოსული, სხვადასხვა ქვეყნის სახელით ხვდებოდა ერთმანეთს. რაც შეეხება ხელშეწყობას, არ მიგულისხმია რომ ჩვენებს ხელს არ უწყობენ, უბრალოდ იქ მხოლოდ ეს სპორტია ძირითადად და მთელი სპორტული დაფინანსება ჭიდაობაზე მოდის, რაც ბუნებრივია. აქედან გამომდინარე ვერასდროს ამ თემაში რუსეთს ვერ გავეჯიბრებით.

21:49 | 08.05.2018
giogobi (107)

აგერ აზერბაიჯანი ავიღოთ, სამჯერ ჩვენზე მეტბი არიან და არც დაფინანსება დაეწუნებათ და ვერ აჯობეს გუნდურში რუსეთს

11:00 | 07.05.2018
Swiss Maestro (7735)

კაროჩე რა გენო გენო ტაჰას საერთოდ არაფერი არ გაუკეთბია სულ დაცვაში იყო და იმას ფიქრობდა როგორმე ყველ ხერხით და ღონით გენოს შეტევა ჩაეშალა ტიტებს უკეტავდა მსაჯებს უნდა გაეფრთხილებინათ რუსი რომ ყოფილიყო გენო ტაჰას უეჭველი გააფრთხილებდენ გენოს ფიზ მომზადება იყო ნული ძალა არ ეყო რამდენჯერ შევიდა ფეხში და პარტერში ვერ გადაიყვანა ნუგზარ სხირელისგან გამიკვირდა ასეთი ცუდი მომზადებული ფიზიკურად რატომ იყო გენო ძააალით წააგო რასაც ქვია

09:45 | 07.05.2018
თენგაბი (132)

ტრაგედია არაფრისგან არ უნდა შევქმნათ, მაგრამ თავისუფლებში ყოველთვის ველოდები და გვაქვს იმის პოტენცია, რომ 3-4 ოქრო ავიღოთ. სამწუხაროდ ფიზიკური მომზადება უკვე ჩვენი ჭიდაობის აქილევსის ქუსლად იქცა. ნახეთ აზერების შტაბში რა ხდება. ჩვენთან მეცნიერების უახლოეს მეთოდებზე კი არა, რაც ვიცოდით უკვე ისიც გვავიწყდება. მარტო ბუნებრივი ნიჭი არ კმარა, გამძლეობაში აშკარად მოსამატებელი აქვს ყველას. malxo-56-ს ვეთანხმები - ლომთაძე, ლადო, იაკობაშვილი, კენჭაძე, გენო და შეიძლება მწითურიც ჩემპიონობის რეალური კანდიდატებია, ოღონ სათანადო ფიზიკური მომზადების პირობებში.
თვალი ვერ მივადევნე და კლასიკურებში პატარიძე რატომ არ იყო?

09:09 | 07.05.2018
iceman (1336)

მიუხედავად იმისა რომ ოქრო ვერ აიღეს ძალიან კარგი შედეგია და ვულოცავ ბიჭებს, რეალურად ძიუდოისტები რომ იძახიან ძიუდო ყველაზე წარმატებული სახეობააო ვერ ვხვდები ლოგიკას რადგან ჭიდაობაში გაცილებით უკეთესი შედეგები გვაქვს

11:43 | 07.05.2018
federer (17) (13423)

ძიუდოს გუნდი გაცილებით უფრო ძლიერი იყო ყოველთვის და 3 ჯერ მსოფლიოს ჩემპიონები არიან და ჭიდაობის სხვა სახეობებში გუნდური ოქრო არასდროს აგვიღია, თორე ინდივიდუალურად კი ბატონო ძუდოზე მეტი მედლები სხვაგან გვაქვს მოპოვებულიი

03:55 | 07.05.2018
თორღვა პანკელი (625)

ძალიან სამწუხაროა რომ ოქროს მედლის გარეშე დავამთავრეთ ასპარეზობა თავისუფალში მაგრამ, როგორც კლასიკურებში ისევე აქაც ჩანს და გამოჩნდა რომ იმაზე გაცილებით უკეთესი შედეგი შეუძლია ნაკრებს და უფრო მეტის პოტენციალი ჩანს, ვიდრე ამ ევროპის ჩემპიონატზე ვაჩვენეთ. გენოზე მართლა არ მიბრუნდება ენა რომ რაიმე აუგი ვთქვა ან რა აუგი უნდა თქვა თუ ინტრიგანი არა ხარ, ლომივით იბრძოლა და 50|50-ზე ფარგლებში ფორტუნა თურქის მხარეს აღმოჩნდა, გენოს და აკგულის შეფასებაში სრულიად დავეთანხმები federer-ს, ლადოსთან დაკავშივრებითაც ყველამ ვიცით და ვხვდებით თუ რა იყო მიზეზი მისთვის შეუფერებელი ბრინჯაოს აღება, დარწმუნებული ვარ რომ მისი პროფესიონალიზმიდან და კლასიდან გამომდინარე, ჩვენ რომ ველით იმაზე მალე აუღებს ალღოს ახალ წონას. ჩემთვის პირადად მთავარი არის ოლიმპიადა, სხვა შეჯიბრებებს არ ვანიჭებ ისეთ დიდ მნიშვნელობას და ვფიქრობ რომ მოჭიდავეებიც ამ აზრზე არიან, მანამდე წინ მსოფლიოა და გამარჯვებებს და წარმატებებს ვუსურვებ ბიჭებს.

03:24 | 07.05.2018
federer (17) (13423)

წაგებით კმაყოფილი ვერ იქნები, მაგრამ მე პირადად დავინახე ძალიან დიდი პოზიტივი გენოში და ავხსნი ახლა რაზე მაქვს საუბარი. გვინახავს გენოს ორი გამარჯვე აკგულთან სადაც პირველი 8-8 ზე გენომ მოიგო ბოლო ქულის წყალობით, მაგრამ დაღლის ხარჯე თორე მანამდე ფიზიკურად მაგრად ჯობდა აკგული. ასევე მეორე შეხვედრაშიც სადაც გენომ 10-8 მოიგო იქაც ჯობდა ჯანით აკგული, მაგრამ გენომ ტექნიკის და სწორი ტაქტიკის წყალობით მოუგო აკგულს და ასევე გამძლეობით. ახლა კი წააგო მაგრამ უკვე აღარაა ტაჰას უპირატესობა ჯანში და ამ კომპონენტში დაეწია უკვე გენო და ტექნიკით და ტაქტიკით არასდროს არ ჩამოუვარდებოდა უბრალოდ ჯანში ჩაგრავდა აკგული მაგრად და აწინ უფრო იოლად მოუგებს ვიდრე ოდესმო მოუგია და დამერწმუნეთ რომ აწინ გენო გაცილებით მეტჯერ მოუგებს ტაჰას ვიდრე პირიქით

03:26 | 07.05.2018
federer (17) (13423)

გენო არ იყო იდეალურ ფიზიკურ კონდინციებში და ვერ იჭიდავა აქტიურად თორე მეორე მეოთხედში მოკლავდა აკგულს. წინა ტურნირზე გვახსოვს რომ გენო არ იყო კარგ ფორმაში და ძაან ცუდად გამოიყურებოდა ფიზიკაში და ახლა კონდინციები კი ქონდა გაუმჯობესებული, მაგრამ არა იმდენად რომ მთელი შეხვედრა აქტიური ყოფილიყო ტაჰასთან

08:09 | 07.05.2018
Socrates (681)

აბსოლუტურად გეთანხმები. უკვე აღარაა ისეთი სხვაობა ძალაში და თანდათან უფრო მოუმატებს გენო და ტაჰა პირიქით მოუკლებს. მსოფლიოზე მეც მგონია რომ შედარებით იოლად მოუგებს გენო, საკუთარი თავის მეტი რწმენა ექნება, იმიტომ ბავშვივით უხაროდათ აკგულს და მის მწვრთნელს გენოსთან გამარჯვება. უკვე ფავორიტი გენოა და არა ტაჰა, სულ უფრო მეტად გაუჭირდება გენოსთან თურქს შეიძლება, არ გამოვრიცხავ, რომ მეტად ვეღარც მოუგოს. უფრო საშიში გენოსთვის შეიძლება მახოვი იყოს, როცა დაბრუნდება, მაგრამ ისიც ასაკშია და გამძლეობით უნდა აჯობოს გენომ. გამძლეობაზე უნდა იმუშავონ პირველ რიგში და უახლოეს მომავალში გენოს რეალური კონკურენტი არ ეყოლება. ძალიან მომეწონა იაკობაშვილი და დარწმუნებული ვარ მსოფლიოს უფრო მეტად მომზადებული შეხვდება, რაც შეეხება ლადოს, საგანგაშო არაფერია მალე გაივლის ადაპტაციას და ამ წონაშიც ფავორიტად დამკვიდრდება. სამწუხაროდ, სხვებზე ვერაფერს ვიტყვი სასიკეთოს, მეტი ტოპ კლასის მოჭიდავეები არ გვყავს, თუ არ ჩავთვლით კენჭაძეს, რომელსაც შეუძლია ასეთად ჩამოყალიბდეს, მაგრამ ძალიან ბევრი აქვს მოსამატებელი ლიდერებს რომ ტოლ-სწორად ეჭიდაოს

09:25 | 07.05.2018
beso68 (2775)

მაგ 4–ულს ლომთაძესაც დავუმატებდი, კარგი მოჭიდავეა

10:24 | 07.05.2018
Socrates (681)

გეთანხმები. ბრწყინვალე ტექნიკა აქვს და ფიზიკა და გამძლეობა აქვს მოსამატებელი და ნებისმიერის დამარცხება შეუძლია

01:18 | 07.05.2018
malxo-56 (346)

ყველაფერი ლოგიკურად დამთავრდა. გამოიკვეთა შემდეგი: გოგავა არა. ლომთაზე საჩემპიონოა, ლადო ნელ–ნელა გძლიერდება, იაკობასვილი საჩემპიონოა, კენჭაძე მომავალი ჩემპიონია, ყველაშვილი სათადარიგოა ახალი კადრი კვჭირდება, ამინაშვილს საპრიზო დაავადება ჭირს ჩემპიონობის ეშინია, მწითურს აქვს ტალანთი მაგრამ არ ყავს პატრონი, ანუ წესიერი დამრიგებელი. ოდიკაძე კაი ბიჭი არ უნდა არავის წყენინება მესამეც კარგია, გენო ტალანტია და აბაროტს აუღებს უბრალოდ ამჯერად ტაქტიკურად წააგო და მსოფლიოზე აბაროტიი გენოო!!!

08:22 | 07.05.2018
ქვაჩახია (3)

მართალია! ფაქტიურად თავს იცავდა აკგული ერთი შეტევაც არ ჰქონია, ჩამოკიდებული იყო მარცხენა ხელზე, ასეთი შეშინებული ჯერ არ მინახავს. ცოტა მეტი გამძლეობა ჭირდება გენოს და ვერავინ დაუდგება.

სარეკლამო ადგილი - 23
250 x 500
0.155818