იტალიური “რომას” სპორტული დირექტორი მონჩი “ლივერპულთან” მატჩის შემდეგ მსაჯებს აკრიტიკებს. ესპანელის განცხადებით, დროა იტალიელებმა უეფასთან ხმას აუწიონ.

“ვულოცავ “ლივერპულს” ფინალში გასვლას, მაგრამ დროა იტალიურმა ფეხბურთმა ხმას აუწიოს. რაც ხდება, ეს ნორმალური არაა. მსაჯების შეცდომების გარეშე ბევრი რამ შეიცვლებოდა. ჩვენ ერთი გოლი თამაშგარე მდგომარეობიდან გავუშვით და ორი საოცარი თერთმეტმეტრიანი არ დაგვინიშნეს. აქედან, ერთი წითელი ბარათიც.

ვიმეორებ, ლივერპულში მესამე გოლის დროს თამაშგარე მდგომარეობა იყო. მე ესპანელი ვარ,მაგრამ ვფიქრობ, იტალიურმა ფეხბურთმა ხმას უნდა აუწიოს. ვერ ვიგებ, ევროპის ყველაზე მნიშვნელოვან ტურნირში ვიდეორეფერის სისტემა რატომ არაა.

ბიჭები გასახდელში ძალიან გაბრაზებულები იყვნენ. ჩვენ გიჟური მეორე ტაიმი ჩავატარეთ. იმედია, მომავალ სეზონში ჩემპიონთა ლიგაზე VAR-ი იქნება. ახლა ასე რომ ყოფილიყო, ფინალში "ბაიერნი" - "რომა" ითამაშებდნენ და ეს სამართლიანიც იქნებოდა. ფაქტია, ვიდეორეფერი ფეხბურთს სჭირდება”, - აღნიშნა მონჩიმ.

შეგახსენებთ, “ლივერპულმა” “რომა” ორი მატჩის ჯამში დაამარცხა (7:6) და ჩემპიონთა ლიგის ფინალში 11-წლიანი პაუზის შემდეგ გავიდა.