ინგლისური “ლივერპულის” თავდამსხმელი მოჰამედ სალაჰი, შესაძლოა, დისკვალიფიკაციით დაისაჯოს.

“სტოკ სიტისთან” (0:0) მატჩში ეგვიპტელი ფეხბურთელი არასპორტულად მოიქცა, ბრუნო მარტინს ინდს სახეში ხელი ჩაარტყა. მსაჯმა ეს ვერ შეამჩნია, მაგრამ ინგლისის საფეხბურთო ასოციაციის სადისციპლინო კომიტეტი ინციდენტზე უკვე მსჯელობს. სალაჰს ერთიდან სამ მატჩამდე დისკვალიფიკაცია ემუქრება და შესაძლოა, მიმდინარე სეზონში პრემიერლიგაში ვერ ითამაშოს.

შეგახსენებთ, რომ მიმდინარე სეზონში მოჰამედ სალაჰი ინგლისის ჩემპიონატის საუკეთესო ბომბარდირია 34 მატჩში გატანილი 31 გოლით.