ნაციონალური საკალათბურთო ასოციაციის მერვედფინალური სერიის გადამწყვეტ მეშვიდე შეხვედრაში “კლივლენდმა” შინ “ინდიანა” 105:101 დაამარცხა (VIDEO).

“კლივლენდმა” მესამე პერიოდის შუა ნაწილიდან უპირატესობა მოიპოვა და მატჩის ბოლომდე ლიდერის რანგში გახლდათ. ლებრონ ჯეიმსმა საუცხოო შეხვედრა ჩაატარა. “მეფემ” 45 ქულა, 9 მოხსნა, 7 პასი და 4 ჩაჭრა შესძინა გუნდს. ის ნბა-ს პლეი ოფებში გაკეთებული ჩაჭრებით პირველ ადგილზეა. ლებრონს პლეი ოფში 396 ჩაჭრა დაუგროვდა, მეორე ადგილზე 395 ჩაჭრით სკოტი პიპენია, მესამეზე ჯორდანი – 376.

“ინდიანაში” ოლადიპო 30 ქულით, 12 მოხსნით და 6 პასით გამოირჩა.

მეოთხედფინალში “კლივლენდი” “ტორონტოს” დაუპირისპირდება, სერიის პირველი შეხვედრა 2 აპრილს, თბილსის დროით 04:00 საათზე დაიწყება.

მეოთხედფინალური სერიის პირველ შეხვედრაში “ჰიუსტონ როკეტსმა” შინ “იუტა” 110:96 დაამარცხა (VIDEO). ტეხასელებმა მატჩის სტარტზევე დიდი უპირატესობა მოიპოვეს და მთელი თამაშის განმავლობაში “იუტამ” ანგარიშის გათანაბრებაც კი ვერ მოახერხა. ჯეიმს ჰარდენმა გუნდს 41 ქულა, 8 მოხსნა, 7 პასი და 1 ჩაჭრა შესძინა. “იუტაში” მიტჩელი 21 ქულით გამოირჩა.