“მანჩესტერ სიტი” ზაფხულის სატრანსფერო პერიოდში შემადგენლობის გაძლიერებას შეუდგება. Mirror-ის ინფორმაციით, კლუბის ხელმძღვანელობა მთავარ მწვრთნელ პეპ გვარდიოლას 200 მილიონ ევროს გამოუყოფს, სასურველ მოთამაშეთა “ეტიჰად სთედიუმზე” მისაყვანად.

“სიტის” მთავარი მიზანი ჩემპიონთა ლიგის ახალი სეზონისთვის სათანადოდ მომზადებაა, სადაც “ქალაქელები” ისევ წარუმატებლად გამოვიდნენ.

ცოტა ხნის წინ გავრცელდა ინფორმაცია, რომ “სიტის” ინტერესთა სფეროში ტომას ლემარი, ფრედი, ჟორჟინიო, ჟან-მიშელ სერი, იულიან ვაიგლი, რიად მაჰრეზი, ტობი ალდერვეირელდი და კიდევ რამდენიმე ფეხბურთელია.

შეგახსენებთ, რომ “სიტიმ” ინგლისის ჩემპიონობა სეზონის დასრულებამდე 5 ტურით ადრე მოიპოვა, ასევე მოიგო ინგლისის ლიგის თასი, ინგლისის ასოციაციის თასს 1/8 ფინალიდან გამოეთიშა, ჩემპიონთა ლიგას კი, 1/4 ფინალიდან.