ფეხბურთი

15:07 | 12.04.2018 | ნანახია 2083 - ჯერ

რონალდუს მორიგი რეკორდი, "რომას" ისტორიული ქამ-ბექი და უბრალოდ სალაჰი...

უეფას ჩემპიონთა ლიგის მეოთხედფინალური მატჩების შემდეგ WORLDSPORT.GE წარმოგიდგენთ საინტერესო ფაქტებს, მიღწევებს, რეკორდებსა და სტატისტიკურ მონაცემებს.

მაშ ასე, ჩემპიონთა ლიგის მეოთხედფინალი ერთ გვერდზე:

8 – “რეალი” ჩემპიონთა ლიგის ნახევარფინალში ზედიზედ მერვედ გავიდა და ეს რეკორდია.

3 – “იუვენტუსი” გახდა პირველი გუნდი, რომელმაც ევროთასებზე “რეალი” მისსავე მოედანზე სამჯერ დაამარცხა.

2016 – ბლეზ მატუიდიმ ჩემპიონთა ლიგაზე მეშვიდე და 2016 წლის ნოემბრის შემდეგ პირველი გოლი გაიტანა.

2 – მხოლოდ “იუვენტუსის” ორ სხვადასხვა ფეხბურთელს აქვს “სანტიაგო ბერნაბეუზე” დუბლი შესრულებული (მეტოქის რანგში ევროთასებზე). 2008 წელს ალესანდრო დელ პიერო და 2018 წელს მარიო მანჯუკიჩი.

10 – მარიო მანჯუკიჩმა ჩემპიონთა ლიგაზე 20 გოლიდან 10 თავით გაიტანა.

76 – “რეალმა” საკუთარ მოედანზე ჩემპიონთა ლიგის ეგიდით ყველაზე სწრაფი გოლი გაუშვა (76 წამი).

0 – “რომა” ერთადერთი გუნდია მიმდინარე სეზონში, რომელსაც საშინაო მატჩში გოლი არ გაუშვია.

2 – “რომა” ჩემპიონთა ლიგის ნახევარფინალში მეორედ გავიდა. პირველად ასეთი რამ 1983-1984 წლების სეზონში მოხდა.

3 – “რომა” გახდა მესამე გუნდი, რომელმაც მინიმუმ სამბურთიანი ჩამორჩენა აღმოფხვრა და შემდეგ ეტაპზე გავიდა. მანამდე ეს “დეპორტივომ” და “ბარსელონამ” გააკეთეს.

1+1 – დანიელე დე როსი პირველი ფეხბურთელია 2013 წლის შემდეგ, რომელმაც ჩემპიონთა ლიგის ერთ მატჩში “ბარსელონას” გოლიც გაუტანა და საგოლე პასიც გააკეთა. ბოლოს იგივე ტომას მიულერს ჰქონდა გაკეთებული.

3 – ედინ ჯეკოს ჩემპიონთა ლიგაზე ყველაზე მეტი გოლი “ბარსელონას” კარში აქვს გატანილი (3).

4 – პირველად მოხდა, რომ ჩემპიონთა ლიგის ნახევარფინალში თითო წარმომადგენელი ეყოლებათ ესპანეთს, გერმანიას, იტალიასა და ინგლისს.

1 – ჯანლუიჯი ბუფონმა ჩემპიონთა ლიგაზე პირველი წითელი ბარათი მიიღო (117 მატჩი).

4 – 2010 წლიდან მოყოლებული ჩემპიონთა ლიგის ნახევარფინალი პირველად იქნება დაკომპლექტებული 4 სხვადასხვა ქვეყნის გუნდით.

10 – კრიშტიანუ რონალდუს “იუვენტუსის” კარში 10 გოლი აქვს გატანილი და ამაზე მეტჯერ ერთი გუნდის კარი არავის დაულაშქრავს.

10 – “ლივერპული” ჩემპიონთა ლიგის ნახევარფინალში მეათედ გავიდა. ინგლისურ გუნდებში ამაზე უკეთესი შედეგი მხოლოდ “მანჩესტერს” აქვს (12).

3 – “ლივერპული” პირველი გუნდია, რომელთანაც პეპ გვარდიოლამ ერთ სეზონში სამი მატჩი წააგო.

50 – მოჰამედ სალაჰმა მიმდინარე სეზონში (ყველა ტურნირის ჩათვლით) 50 გოლში მიიღო მონაწილეობა (39 გოლი, 11 პასი).

33 – “ლივერპულს” 33 გოლი აქვს გატანილი ჩემპიონთა ლიგის მიმდინარე სეზონში დ ეს ინგლისური გუნდებისთვის სარეკორდო შედეგია.

51% - კრიშტიანუ რონალდუმ 2009-2010 წლების სეზონიდან მოყოლებული “რეალის” გატანილ გოლების ნახევარზე მეტში მიიღო მონაწილეობა (132/257). 105 გოლი, 27 პასი.

2 – მარიო მანჯუკიჩი 2003-2004 წლების სეზონიდან პირველი ფეხბურთელია, რომელმაც “რეალს” ერთ თამაშში ორი გოლი თავით გაუტანა.

1 – “ბარსელონა” პირველად გამოეთიშა ჩემპიონთა ლიგას, როდესაც პირველი მატჩი მინიმუმ 3 ბურთის სხვაობით ჰქონდა მოგებული.

100 – “ბაიერნმა” ევროთასებზე მეასე მშრალი მატჩი ჩაატარა საკუთარ მოედანზე.

3 – იუპ ჰაინკესი ჩემპიონთა ლიგაზე სამჯერ მუშაობდა (1997-1998 “რეალში”, 2011-2012, 2012-2013 “ბაიერნში”) და სამჯერვე მისი გუნდი მინიმუმ ფინალში გავიდა.

100 – ჟერომ ბოატენგმა და ტომას მიულერმა ჩემპიონთა ლიგაზე მეასე მატჩი ჩაატარეს.

150 – კრიშტიანუ რონალდუმ ლიგაზე 150-ე შეხვედრა ჩაატარა.

2 – იურგენ კლოპი მეორე გერმანელი მწვრთნელია, რომელმაც უცხოური გუნდი ჩემპიონთა ლიგის ნახევარფინალში გაიყავანა. პირველად ეს იუპ ჰაინკესმა 1998 წელს გააკეთა.

Loading...

კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
სტატისტიკა
0.279707