ზაზა ფაჩულიას “გოლდენ სტეიტმა” გასვლაზე “ფინიქსი” 117:100 დაამარცხა. ზაზა სასტარტო 5-ეულში იმყოფებოდა და პარკეტზე 14 წუთი დაჰყო, ამ დროში ქართველმა ცენტრმა გუნდს 4 ქულა, 4 მოხსნა, 1 პასი, 1 ჩაჭრა და 1 ბლოკ-შოტი შესძინა. ფაჩულიამ 2-დან ორივე საჯარიმო სროლა ჩააგდო.

რაც შეეხება უშუალოდ შეხვედრას, “მეომრები” მატჩის სტარტზე დაწინაურდნენ და შეხვედრის ბოლომდე დიდი უპირატესობა ჰქონდათ. მატჩში ყველაზე მეტი 34 ქულა კლეი ტომპსონმა ჩააგდო. “ფინიქსში” 22 ქულით ჰაუსი გამოირჩა.

“გოლდენ სტეიტი” 58 მოგებით და 23 წაგებით დასავლეთ კონფერენციაში მეორე ადგილზეა. 11 აპრილს “გოლდენ სტეიტი” მიმდინარე რეგულარულ სეზონში ბოლო შეხვედრას ჩაატარებს. “ოქროს შტატელები” “იუტა ჯაზს” დაუპირისპირდება, მატჩი თბილსის დროის 05:00 საათზეა ჩანიშნული.