ბლოგი

10:55 | 9.04.2018 | ნანახია 1078 - ჯერ

რონალდუ - დიდი ფეხბურთელი!

კრიშტიანუ რონალდუ შეიძლება გიყვარდეს, ან არ გიყვარდეს, მისი თამაშის სტილი მოგწონდეს ან არ მოგწონდეს, მისი გარეგნული სახე გაღიზიანებდეს ან აღგაფრთოვანებდეს, მისი ცხოვრების წესს იზიარებდე ან არა, მაგრამ სრულიად არაობიექტური და უსამართლო უნდა იყო, რომ ვერ დაინახო ამ კაცის უსაშველოდ დიდი ნიჭი, დიდი სპორტსმენობა და არ დააფასო ის საოცარი შრომისმოყვარეობა, რაც პორტუგალიელ სუპერმეგოლეს არასოდეს განელებია.

ყველა კლუბის ქომაგი თავისებურია და ყველას თავისი საგულშემატკივრო ტრადიცია გააჩნია. მაგალითად, ტურინის “იუვენტუსის“ ტიფოზერია არასოდეს გამოირჩეოდა მოწინააღმდეგეთა მიმართ თბილი დამოკიდებულებებით, მაგრამ 3 აპრილს მოხდა სასწაული და ტურინელი ქომაგები იმდენად მოიხიბლნენ მათი გუნდის საძულველი მეტოქის დიდებული გარჯით, რომ კრიშტიანუ რონალდუსადმი აპლოდისმენტები არ დაუშურებიათ და თამაშის დასრულების შემდეგაც პორტგალიელი დიდი ოვაციებით გააცილეს მოედნიდან. ეს არაა უბრალო ამბავი! ამას დამსახურება ჭირდება! კრიშტიანუმ ტურინში ისტორიის ახალი ფურცელი დაწერა და ეს ის შემთხვევაა, რომელსაც მომავალში თაობები გაიხსენებენ.

არასოდეს დამავიწყდება ის დღე, როდესაც კრიშტიანუ რონალდუ დედი სერ ალექს ფერგიუსონის ძალისხმევით, “მანჩესტერ იუნაიტედში“ პირველი თამაში ჩაატარა და ისიც კარგად მახსოვს, როგორ გაიყო მოსაზრებები მაშინ სრულიად ახალგაზრდა ნახევარმცველის მიმართ. ერთნი იძახდნენ, რომ რონალდუ ჩვეულებრივი ფინტისმოყვარე უსარგებლო სამხრეთელი ჟონგლიორი ფეხბურთელი იყო და მისი მომავალი დიდად ნათელ ფერებში ვერ წარმოედგინათ, თუმცა ისიც მახსოვს, რომ იყვნენ ადამიანები, რომლებმაც თავიდანვე დაინახეს ამ ბიჭში მომავლის მეგა-ვარსკვლავი.

წითელცხვირა სქოთი კი ყურს არავის უგდებდა და მისთვის დამახასიათებელი სიჯიუტითა და პროფესიონალიზმით, შესანიშნავი მასალისგან გამოჭედა ფეხბურთელი, რომელიც დღეს მსოფლიო ფეხბურთში ამინდს ქმნის და ეს კაცი ისეთ ფორმაშია, ალბათ კიდევ კარგა ხანს ითამაშებს მაღალ დონეზე.

ასაკი რომ კრიშტიანუს ვერაფერს აკლებს - ეს ფეხბურთის ბევრი ქომაგისათვის დღემდე დიდი გამოცანაა. ადრე იმასაც კი ფიქრობდნენ, რომ მუდმივად და სტაბილურად ასე მაღლ დონეზე თამაში ადამიანის ძალებს არ აღემატება და რონალდუ იყენებდა რაღაც ახალ ნარკოტიკს, რომელიც არც ერთ დოპინგ-ტესტზე არ ჩანდა. ცხადია ეს ბრალდებები სრულიად აბსურდული და მეტიც - ბოროტების წიაღშია შობილი. როგორ შეიძლება რაიმე ეჭვი შეიტანო ამ სპორტსმენად შობილ კაცში, არ ირწმუნო, მისი შესაძლებლობები და არ გჯეროდეს ის, რომ დიდ ნიჭსა და დაუღალავ შრომას წინ ვერასოდეს ვერაფერი დაუდგება!

შეგნებულად არ ვთქვი არაფერი იმაზე, რომ ფეხბურთის ბევრი ქომაგის აზრით ციფრები არასოდეს ტყუიან და მადრიდის “რეალმა“ ტურინში “იუვენტუსი“ რაკი 3:0 დაამარცხა, ეს პირველყოვისა მადრიდული კლუბის წარმატება გახლდათ და არა კონკრეტულად კრიშტიანუ რონალდუს გარჯის შედეგი. მე არ ვფიქრობ ასე და მიმაჩნია, რომ ის გამარჯვება ვარსკვლავმრავალმა “რეალმა“ კონკრეტულად რონალდუს გარჯის დამსახურებით მოიპოვა. ვიცი, იქნებიან ამ მოსაზრების მოწინააღმდეგეებიც, მაგრამ მე მაინც ჩემს აზრზე დავრჩები.

Loading...

კომენტარები (7)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
22:39 | 19.04.2018
O. Mertskhali (3225)

რონალდო აქვს ერთი ძალიან დიდი მინუსი: მომენტების შექმნა უჭირს, ანუ 'არაფრისგან' რომ დაიწყოს ეპიზოდი და თვითონვე დაამთავროს... თანამედროვე, გერდ მიულერია რაა... და ეს ფიზიკურად ჯანზე ყოფნაც არაა გასაკვირი, თანამედროვე მედიცინის უდიდესი პროგრესიდან გამომდინარე.

15:56 | 09.04.2018
valeri8848 (1905)

კომრენტარებში ცოტა გატამეტებული მეჩვენება ამის ქება დიდება და მონსტრობა ერთი ჩვეულებრივი გოლეადორია გოლის საუკეთესო ალღოთი ასევეა მესიც . მაგრამ მე დიდ ფეხბურთელს ვერ დავუძახებ დიდი ფეხბურთელი იყო ბრაზილიელი რონალდო არაფრისგან რომ გოლს გამოძერწავდა ასევე იყო რონალდინიო მისი ბურთის მიღებაზე მეკარეები პამპერს ისწორებდნენ ზიდანიც უძლიერესი იყო მისით მოგებული ფინალები გემახსოვრებათ მარადონას არჩ კი შევადარებ ის სხვა პლანეტიდან იყო

18:17 | 09.04.2018
millllani (175)

საგოლე ალღო არ არის იმაზე ნაკლები რამე ვიდრე "საფეხბურთო ხედვა" რასაც მეტწილად პლეიმეიკერებტან მიმართებაში ხმარობემ. საგოლე ალღო არის საფეხბურთო ინტელექტი თავდამსხმელისთვის. შესაბამისად იმასაც ვერ იტყვი რომ მესის მეტი საფეხბურთო ინტელექტი აქვს ვიდრე რონალდოს. პლუს რონალდოს მეტ სიტუაციაში , ეს იქნება სხვადასხვა გუნდი თუ პოზიცია დაუმტკიცებია თავისი სიდიადე. პლუს სად 1,9 მეტრი რომ მოძრაობას აკეთებს და სად 1,7 ანუ ესთეტიკაშიც ჯობია ჩემი აზრით

13:41 | 09.04.2018
#გავკარიჩემსპრეზიდენტს (KORBEN) (13537)

კარგად მახსოვს რონის პირველი თამაში "მანჩესტერის" შემადგენლობაში. შეცვლაზე შეუშვა ალექსამ, ვერმიშელივით ეყარა თავზე ალაგ-ალაგ ქერად შეღებილი თმები ძალიან მონდომებული იყო (ზედმეტადაც კი), დამრჩა შთაბეჭდილება, რომ უთავბოლოდ მატაობდა. მიუხედავად ყველაფრისა, "ოლდ ტრაფორდზე" შეკრებილი პუბლიკის გული ნაღდად მოინადირა და ბურთის ყოველი მიღებისას მაგრად ამხნევებდნენ ტრიბუნები.
აშკარად ეტყობოდა, რომ ერთ რიგით ფეხბურთელთან არ გვქონდა საქმე, მაგრამ იმისგან თუ ეს "მონსტრი" დადგებოდა, ამას ალბათ ბევრი ვერ წარმოიდგენდა.

14:20 | 09.04.2018
iceman (2065)

მეც მაგრად მახსოვს პრიშჩიკებიანი ღლაპი იყო მაგრამ კოჭებში ეტყობოდა დიდი ფეხბურთის თამაში რომ შეეძლო, არ ეშლებოდა ალახსას ხალხის არჩევა, პოგბაც იმიტომ გაუშვა რომ შეატყო არ გამოვიდოდა მაგისგან რონალდო და არც გამოვიდა ერთი გაპიარებული ჩვეულებრივი იგროკია

14:22 | 09.04.2018
iceman (2065)

ანუ იმის თქმა მინდა რომ ყველა გაიძახის მგარი მშრომელია და იმიტომ მიაღწია ამდენსო მაგრამ მარტო შრომაც არაა თავიდანვე ნიჭიერი იყო და შრომა და მიზანდასახულობაც რომ მიახმარა თავოის ნიჭს იმიტომაა ამ დონეზე

14:41 | 09.04.2018
#გავკარიჩემსპრეზიდენტს (KORBEN) (13537)

კი, ნიჭი როგორ არ აქვს. ზუსტად იმის ნიჭი აქვს, რასაც ასე სრულყოფილად აკეთებს.
მანჩესტერიდან წამოსვლის შემდეგ სტილიც კი შეიცვალა და სულ სხვა სიმაღლეზე ავიდა რეალში. ამას უნიჭო კაცი ვერ გააკეთებდა.

12:15 | 09.04.2018
millllani (175)

პელე მარადონას შედარება ამათთან, ამ კონტექსტში ანუ ვინ უფრო მაგარია ჩემი აზრით არალოგიკურია. იმ ძველებს შეიძლება პატივს ცემდე და სიმბოლოებად მიიჩნევდე, მაგრამ ობიექტურად რა პელე და მარადონა. ეგ იგივე რანსგის შეკითხვაა რაც - რომის იმპერია უფრო ძლიერი იყო თუ ჰიტლერის გერმანია, ანუ პასუხი იმდენად მარტივია რომ ამავე დროს უაზროცაა

14:13 | 09.04.2018
iceman (2065)

მასე თუ მივუდგებით სიტყვაზე დვალიშვილი 70 წლებში რომ გადავიყვანოთ შეიძლება გერდ მიულერზე მეტი გოლი გაეტანა, და იგევე გერმანია 1 დღეში დაიპყრობდა რომის იმპერიას მაგრამ შედარება უნდა მოვახდინოთ იმის მიხედვით თუ ვინ უფრო დიდი კვალი დატოვა თავის ეპოქაში

18:28 | 09.04.2018
millllani (175)

არამგონია დვალიშვილს მიულერისთვის როდისმე ეჯობა. კი ბატონო ეპოქის მიხედვით შედარებაც შეიძლება მაგრამ ეგ არ იქნება აბსოლუტური. როცა ვსაუბრობთ იმაზე ვინ უფრო მაგარია ვუყურებთ ფაქტს , შესაძლებლობებს და აქ უკვე აღარ აქვს მნიშვნელობა ვინ როდის თამაშობდა. მასე პელეს რომ თანამედროვე დატვირთვით ეთამაშა შეიძლება ყველა მსოფლიო გამოეტოვებინა

14:16 | 09.04.2018
iceman (2065)

ისე რონალდო მეოთხე მეთქი რომ დავწერე ეგეც საკამათოა რადგან იგივე კრუიფი, დისტეფანო და კიდევ რამდენიმე არანაკლები იყვნენ, საქმე მარტო გოლებში რომ რომ იყოს გერდ მიულერი მარადონაზე გაცილებით წინ იდგებოდა

13:30 | 09.04.2018
#გავკარიჩემსპრეზიდენტს (KORBEN) (13537)

დამიჯერე მეგობარო, რონალდუს და მარადონას ერთ გუნდში რომ ეთამაშათ, პირველივე მატჩის დაწყებიდან ათიოდ წუთში მიხვდებოდა კრიშტიანო, თუ ვინაა მოედანზე პირველი კაცი.
მაგაშია საქმე, თორემ დიეგოზე სწრაფადაც ირბენდა, მაღლაც ახტებოდა კუთხურების მოწოდებისას და სეზონის ბოლოს მასზე ბევრი გოლიც ექნებოდა გატანილი.

14:17 | 09.04.2018
millllani (175)

მადლობა გამოხმაურებისთვის. არამგონია ეგრე ყოფილიყო) რონალდოს გარდა ვერცერთ ფეხბურთელზე ვერ ვიტყვი რომ უნაკლოა. იგივე მესი მეორე სართული და მარჯვენა ფეხი მისი სუსტი მხარეა. შეგიძლია მითხრა რა არის რონალდოს სუსტი მხარე?

14:37 | 09.04.2018
#გავკარიჩემსპრეზიდენტს (KORBEN) (13537)

სუსტი მხარე ყველას აქვს, მათ შორის რონალდუსაც. მაგრამ იმდენად აქვს დახვეწილი ძლიერი მხარეები, რომ ის სუსტი აღარ ჩანს საერთოდ და არც არავის ახსენდება.
სტატისტიკური "მონსტრია", მხოლოდ დამაგვირგვინებელ ფაზაშია შეუდარებელი, სხვა მხრივ ფეხბურთის გურმანებს სიამოვნებას ვერ მიანიჭებს მისი თამაში.
თუმცა სწორედ ეგ დამაგვირგვინებელი ფაზა, ანუ გოლებია ფეხბურთში მთავარი და იმიტომაც იგებს ყველაფერს - გუნდურ ტიტულებსაც და ინდივიდუალურსაც.

18:39 | 09.04.2018
millllani (175)

რონალდოს ის ფეხბურთიც უთამაშია რასაც მესი ტამაშობს თვისობრივად. გეთანხმები რომ მესის თამაშის შემხედვარე მისი ნაკლი არ გაგახსენდება , მაგრამ როცა აანალიზებ და ადარებ ორ ფეხბურთელს , რით უნდა შეადარო თუ არა თვისებებით . ხოდა ხვდები რომ რონალდოს არ აქვს ნაკლი( კარიერულად რონალდო ერთერთი საუკეთესო დრიბლიორია თუმცა მესი ჯობია), ხოლო მესისგან მეორე სართულზე და მარჯვენა ფეხით თამაშის არავის ეშინია

12:00 | 09.04.2018
iceman (2065)

ჩემი აზრით 1.პელე, 2.მარადონა 3.მესი და 4.ეს არიან ყველა დროის საუკეთესო ოთხეული, მესიმ თუ მსოპლიო მოიგო ცალსახად პირველ ადგილზე გადავა, თუმცა ანალოგიურად იქნება ქრისტინას შემთხვევაშიც, არეარეალურად მეჩვენება პორტუგალიამ რომ მსოფლიო დადოს მაგრამ რეალურად არგენტინაზე უკეთესი გუნდი კი ყავს

11:48 | 09.04.2018
valeri8848 (1905)

ეს სტატია რომ რონალდომ წაიკითხოს ცოდოა მართლა საუკეთესო ეგონება თავი

11:57 | 09.04.2018
iceman (2065)

პროსტა მაგის ნარცისიზმია ცოტა გამაღიზიანებელი თორემ რეალურად მართლა ძალიან ძალიან მაგარია, რეალურად მესის არ მირჩევნია მაგრამ ახლოსაა მესისთან და დანარჩენებს რომ ეს ორი 10 თავით აღემატებიან არცაა საკამათო.

11:22 | 09.04.2018
millllani (175)

საუკეთესოა ტიპი

სარეკლამო ადგილი - 20
250 x 188
სარეკლამო ადგილი - 22
250 x 250
0.10316