უელსის ეროვნულმა ნაკრებმა ჩინეთის თასის ნახევარფინალში ჩინეთი 6:0 დაამარცხა. მადრიდის "რეალის" შემტევმა გარეტ ბეილმა აღნიშნულ მატჩში ჰეთ-თრიკი შეასრულა და 29 გოლით ნაკრების ყველა დროის საუკეთესო ბომბარდირი გახდა.

28 წლის მოთამაშემ იან რაშის შედეგი ერთი გოლით გააუმჯობესა. რაში უელსის ეროვნულ გუნდში 1980-96 წლებში თამაშობდა და 28 გოლის გასატანად 73 მატჩი დასჭირდა, ბეილმა კი რეკორდი 69 შეხვედრაში დაამყარა.