ჩინეთის სუპერლიგის ბინადარ “დალიან იფანგის” ფეხბურთელი ნიკოლას გაიტანი სიკვდილს გადაურჩა. არგენიტნელი ნახევარმცველი “გუოანთან” მატჩის 56-ე წუთზე მეტოქეს შეეჯახა, რის შემდგომაც მოედანზე უგონოდ დაეცა.
სამხრეთამერიკელს გონება დაკარგული ჰქონდა, მაგრამ ჯერ ერთ-ერთი ჩინელი თანაგუნდელის, ხოლო შემდეგ იანიკ ფერეირა-კარასკოს დახმარებით სიტუაციიდან გამოვიდა. ბელგიელმა გაიტანს ხელოვნური სუნთქვაც ჩაუტარა მანამ, სანამ სამედიცინო შტაბი მოედანზე აღმოჩნდებოდა.
საბოლოოდ, ყველაფერი კარგად დასრულდა და ნიკო გაიტანი საავადმყოფოში გადაიყვანეს.
შეგახსენებთ, გაიტანი და ფერეირა-კარასკო ჩინურ გუნდს ცოტა ხნის წინ, მადრიდის “ატლეტიკოდან” შეუერთდნენ. საგულისხმოა, რომ “დალიანმა” სეზონი კატასტროფულად დაიწყო, სამივე თამაში წააგო, 13 გოლი გაუშვა და თავად ჯერაც არ გაუტანია.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
კანკავა გამახსენდა სხვა სიტუაცია იყო მარა მაინც
კარგად დასრულდა
უგონოდ დაეცემოდა უგოლოდ არა