კატალონიის “ბარსელონას” ბანაკში ცუდი ამბავია. როგორც “ბლაუგრანას” ვებგვერდი ოფიციალურად იტყობინება, სერხიო ბუსკეტსი მოედანზე გასვლას მინიმუმ 3 კვირის განმავლობაში ვერ შეძლებს.

ესპანელმა ფეხბურთელმა ტრავმა “ჩელსისთან” მატჩში მიიღო და მე-60 წუთზე შეცვალეს. როგორც გამოკვლევამ აჩვენა დაზიანება სერიოზულია და აღდგენითი პროცესი დაახლოებით 20-30 დღე გაგრძელდება.

ეს კი, იმას ნიშნავს, რომ ბუსკეტსი “ბარსელონას” ჩემპიონთა ლიგის პირველ მეოთხედფინალურ შეხვედრაში (3/4 აპრილი) ვერ დაეხმარება. გარდა ამისა, ეჭვის ქვეშ დგას საპასუხო მატჩშიც მონაწილეობა (10/11 აპრილი).