ოსაკაში მიმდინარე ჰარუ ბაშოზე ქართველმა სეკიტორებმა მე-5 ტურში წყვილად მოიგეს და სუპერტურნირის ერთი მესამედის შემდეგ დადებითი ბალანსი აქვთ. უმაღლეს, მაკუუჩი დივიზიონში სეკივაკეს წოდებით მოჭიდავე ლევან გორგაძემ დღეს იაპონელი კომუსუბი ჩიოტარიუ იოლად დაამარცხა და მე-3 ქულა ჩაიწერა. ტოჩინოშინი ხვალ გასამართ მე- ტურში პირველ მაეგაშირას – იაპონელ ენდოს დაუპირისპირდება, რომელსაც მარტის სუპერტურნირზე ასევე 3 ქულა აქვს. ურთიერთშეხვედრებში კი ანგარიშია 3:2 ენდოს სასარგებლოდ.

გაგამარუს შიკონათი მოჭიდავე თეიმურაზ ჯუღელმა რანგით მეორე – ჯურიო ლიგაში, მიმდინარე ტურნირზე მე-4 ქულა მიითვალა და მაკუუჩიში დასაბრუნებლად მებრძოლთა ჯგუფშია.