გუშინ ცამოქუფრულ ლონდონში, ადგილობრივ “ტოტენჰემთან“ ტურინის “იუვენტუსის“ სახელოვანმა გამარჯვებამ რა გასაკვირია, რომ პიემონტელ ტიფოზებში დიდი აღფრთოვანება გამოიწვია. “იუვეს“ ახალთახალი სტადიონის წინ შეკრებილმა ქომაგებმა ღვინოც ბლომად დალიეს და მტლაშა-მტლუშიც არ დაიზარეს.

საყვარელი გუნდის გამარჯვება სათანადოდ დააფასეს და აღნიშნეს, ქალაქ ტურინის სამეძავო გილდიის სრულფასოვანმა წევრებმაც. სიძვის დიაცნი გუშინ ღამიდან ამ წუთამდე, იმ კლიენტებს, რომლებსაც “იუვენტუსის შავ-თეთრი მაისური აცვიათ, ნახევარ ფასად ემსახურებიან და თან “შუა იმ საქმის დროს“ გამარჯვების დეტალებსაც აყოლებენ.

სხვათა შორის ტურინელ მეძავთა ეს საქციელი პირველი არ გახლავთ და მსგავსი დიდსულოვნება მეძავებს არამხოლოდ ტურინში - ევროპის სხვა ბევრ ქალაქშიც გამოუმჟღავნებიათ. აბა თბილისში, დიადი როენას დაწესებულების ქალებს, “დინამოს“ მაისურით რომ მიადგე, მავანი ღარიბი სტუდენტი ეგონები და გამოგაბუნძულებენ...