ჩემპიონთა ლიგის 1/8-ფინალურ შეხვედრაში “პორტუ” გასვლაზე “ლივერპულს” დაუზავდა (0:0). ამ მატჩში პორტუგალიური კლუბის ესპანელმა მეკარემ იკერ კასილიასმა ჩემპიონთა ლიგაზე თავისივე რეკორდი გააუმჯობესა - კარი 57-ე შეხვედრაში მშრალად შეინახა. მეორე ადგილზე ედვინ ვან დერ საარია (51), მესამე ადგილს კი ჯანლუიჯი ბუფონი იკავებს (49).

გარდა ამისა, კასილიასმა ჩემპიონთა ლიგაზე 167-ე შეხვედრა ჩაატარა, რაც ყველა დროის რეკორდია. მეორე ადგილზე ჩავი ერნანდესია - 151 შეხვედრით, მესამე პოზიციაზე კრიშტიანუ რონალდუ (148).