“მანჩესტერ იუნაიტედის” მთავარი მწვრთნელი ჟოზე მოურინიო ტელეარხ RT-ს შეუთანხმდა და ამ ზაფხულს რუსეთში გასამართ მსოფლიოს ჩემპიონატზე ექსპერტის ფუნქციას შეასრულებს.

როგორც აღნიშნული ტელეკომპანიის ვებგვერდი იტყობინება, პორტუგალიელი სპეციალისტი მუნდიალის დროს მოსკოვში ჩავა და მაყურებლებს მატჩების შესახებ საკუთარ აზრს გაუზიარებს.

“მიხარია, რომ RT-ს გუნდის წევრი გავხდი. მოუთმენლად ველი მსოფლიოს ჩემპიონატის დაწყებას. დიდი სიამოვნებით გავუზიარებ ჩემს შეხედულებებს თამაშების მიმდინარეობისას ფეხბურთის მოყვარულებს” – ამბობს მოურინიო.

RT-მ, პორტუგალიელი მწვრთნელის გარდა, მუნდიალზე ექსპერტად “მანჩესტერ იუნაიტედის” ყოფილი მეკარე პეტერ შმეიხელიც მიიწვია.