“ნაპოლის” მთავარმა მწვრთნელმა მაურიციო სარიმ “რომასთან” (2:4) მარცხის შემდეგ განაცხადა, რომ “იუვენტუსი” სხვა პლანეტაზეა და სკუდეტოსთვის ბრძოლაც მის ხელშია.

“სკუდეტოსთვის ბრძოლა “იუვენტუსს” ეხება და მორჩა. ჩვენ ყველაფერი ვეცადეთ, მაგრამ “იუვენტუსი” სხვა პლანეტაზეა. ახლა უნდა ვეცადოთ, რომ რთულ ცხოვრებაში ბოლომდე ვიბრძოლოთ.

რას ვფიქრობდი დიბალას გოლის შემდეგ? – ეს იყო ტოსკანური ფიქრები და ამიტომ, თქმა არ შემიძლია (იღიმის)”, - განაცხადა სარიმ.

“ნაპოლი” სერია A-ში ლიდერობას ინარჩუნებს და კონკურენტს 1 ქულით უსწრებს, მაგრამ “იუვესთან” შედარებით ერთი მატჩით მეტი აქვს ჩატარებული.