ფეხბურთი

13:55 | 1.03.2018 | ნანახია 3476 - ჯერ

გიორგი მჭედლიშვილი: "საქართველოს ნაკრები ჩემი ოცნებაა"
"საქართველოში უკეთეს პირობებს მთავაზობდნენ, მაგრამ ევროპაში თამაში ვამჯობინე"

საქართველოს ეროვნული ლიგაში ბოლო პერიოდში გიორგი მჭედლიშვილი ერთ-ერთი გამორჩეული მცველი იყო. “სამტრედიამ” 2016 წელს ჩემპიონის ტიტული რომ მოიპოვა, ამაში 26 წლის მარჯვენა ფლანგელის საკმაო წვლილი გახლდათ.

მიუხედავად იმისა, რომ ეს პოზიცია საქართველოს ნაკრებისთვის აქილევსის ქუსლი იყო ან არის, გიორგისთვის შანსი დღემდე არ მიუციათ. მჭედლიშვილი კი, ზამთრის სატრანსფერი პერიოდში საქართველოდან წავიდა და ხორვატიის მეორე დივიზიონის ერთ-ერთ ლიდერ “გორიცაში” ჩაირიცხა.

ბალკანეთში ფეხბურთი საკმაოდ მაღალ დონეზეა და გიორგიც მიიჩნევს, რომ უკეთეს გუნდში მოხვედრა, ეროვნულ ნაკრებში თამაში, ევროპიდან უფრო გაუდვილდება. მოკლედ, WORLDSPORT.GE მას ხორვატიაში დაუკავშირდა და ჩვენს შორის საინტერესო საუბარი შედგა, რომელიც იქაური შთაბეჭდილებებით დაიწყო.

ადაპტაცია – რა თქმა უნდა, თავიდან უცხო ქვეყანაში როცა ჩადიხარ, ადვილი არაა გარემოსთან შეგუება, გუნდთან და ა.შ, მაგრამ აქ სხვა მდგომარეობა დამხვდა. ვფიქრობ, ადაპტაცია კარგად და მარტივად გავიარე. გუნდში ძალიან კარგი ატმოსფეროა, ბიჭებიც კარგად შემხვდნენ, მწვრთნელებიც და ყველა ვინც კლუბში მუშაობს. ჯერ სეზონის მეორე ნახევარი არ დაწყებულა, მაგრამ რამდენიმე ამხანაგური თამაში ვითამაშე.

კომუნიკაცია – ვინაიდან, ინგლისურ ენაზე ლაპარაკი ნორმალურად შემიძლია და ამიტომ, ენობრივი ბარიერი არ მაქვს. ხორვატებმა თითქმის ყველამ იცის ინგლისური და გარდა ამისა, გუნდში რამდენიმე ლეგიონერიცაა. ამ მხრივ არანაირ დისკომფორტს არ განვიცდი.

სამწვრთნელო შტაბის ხედვა – ვფიქრობ, მწვრთნელს (დამირ გრლიჩი – რედ) მოსწონს ჩემი თამაში და თითქმის ყოველი ვარჯიშის შემდეგ ვსაუბრობთ. უკვე მომიაზრებს კიდეც ძირითად შემადგენლობაში. მითხრა, რომ კმაყოფილია ჩატარებული ამხანაგური თამაშებით, ვარჯიშებით. უბრალოდ, ჩემი კონკურენტია გუნდის კაპიტანი ჰრვოიე იანჩეტიჩი, რომელიც 37 წლისაა და სეზონის ბოლოს კარიერას ასრულებს. ჩემი აზრით, თუ რამე არ შეიცვალა, ძირითადში მაინც მე უნდა ვითამაშო. ყოველშემთხვევაში, გადაწყვეტილებას მწვრთნელი იღებს და ამას პატივს ვცემ.

საფეხბურთო ხორვატია – ყველაზე მეტად ის მომწონს, რომ პროფესიონალები არიან. თითოეული ფეხბურთელი ვარჯიშზეც ბოლომდე იხარჯება. რაც შეეხება შედარებას, როდესაც სეზონის განახლდება, მერე უფრო შემეძლება ამაზე საუბარი.

სავარჯიშო პირობები – იდეალური არაა, მაგრამ ნორმალურია. გვაქვს ბუნებრივი და ხელოვნურ საფარიანი სავარჯიშო მოედნები. თუ პირველ დივიზიონში (იქაური უმაღლესი ლიგა – რედ) გადავალთ, დარწმუნებული ყველაფერი იდეალურად იქნება.

კონტრაქტი – კონტრაქტი სეზონის ბოლომდე მაქვს, მაგრამ შეგვიძლია 1 წლით გახანგრძლივდეს. ეს, იმ შემთხვევაში თუ პირველ დივიზიონში გადავალთ. ვფიქრობ, მაინც უმაღლესი დონეა და მინდა იქ თამაში.

ბრძოლა I დივიზიონისთვის – შანსი მართლაც გვაქვს და ძალიან რეალური. ერთი გუნდი გადადის და ლიდერი ზაგრების “დინამოს” მეორე გუნდია, რომელსაც აღზევების უფლება არ აქვს. 4-5 გუნდს კი თანაბარი შანსი გვაქვს. ვნახოთ, თავდამსხმელის პრობლემა იყო “გორიცაში” და ეს პოზიციაც შევსებულია.

რატომ “გორიცა” – საქართველოდან ძალიან ბევრი წინადადება მქონდა, მაგრამ არ მინდოდა. ამ ეტაპზე მსურდა ევროპაში მეთამაშა, თუნდაც ეს მეორე დივიზიონი ყოფილიყო. რატომ? – ძალიან მინდა გამომიძახონ საქართველოს ეროვნულ ნაკრებში და თამაშის შანსი მომცენ. ეს ჩემი ოცნებაა და ამიტომ გადავდგი ეს ნაბიჯი. სიმართლე გითხრათ, ამაზე კარგ პირობებს ქართული გუნდები მთავაზობდნენ, მაგრამ უარი ვთქვი.

გზა ეროვნული ლიგიდან ეროვნულ ნაკრებამდე – დიახ, ვფიქრობ, რთულია ეროვნული ლიგიდან ნაკრებში მოხვედრა, რადგან დაბალ დონედ ითვლება... არადა, ძალიან კარგი და ნიჭიერი ფეხბურთელები თამაშობენ, რომელთაც შეუძლიათ ევროპაშიც ითამაშონ და ნაკრებსაც გამოადგნენ. თუმცა, არ ვიცი, ვერ გეტყვით, რატომ ხდება ასე. ჩემი აზრით, ეროვნული ლიგის გამორჩეულ ფეხბურთელებს საქართველოს ნაკრებში შანსი უნდა მიეცეთ.

ხორვატიაში შემჩნევის იმედი – ვფიქრობ, სამწვრთნელო შტაბიდან ახლა უფრო უნდა იყოს დაინტერესება. მე რაც შემიძლია მაქსიმუმს ვაკეთებ და გავაკეთებ ყოველთვის, სადაც უნდა ვითამაშო. რა თქმა უნდა, მომავალზეც მაქვს აქცენტი გაკეთებული და თუ კარგად ვითამაშებ “გორიცაში”, დიდი შანსია სკაუტებმა შემამჩნიონ, უკეთეს გუნდში გადავიდე.

“სამტრედია” – ძალიან დიდი მადლობა გია ცეცაძეს და თემურ ლორთქიფანიძეს, მთლიანად სამტრედიელ გულშემატკივარს ყველას. ძალიან მიყვარს ეს ხალხი. მინდა მადლობა ვუთხრა სამტრედიაში დასაქმებულ ადამიანებს პრეზიდენტიდან დაწყებული რიგითით დამთავრებული. ეს გუნდი ყოველთვის ჩემს გულში იქნება. “სამტრედიასთან” ერთად გავხდი საქართველოს ჩემპიონი, ვიცე-ჩემპიონი, მოვიგე სუპერთასი. მადლობის მეტი მართლაც არაფერი მეთქმის. იქ გატარებული პერიოდი ყოველთვის ტკბილად გამახსენდება.

ქართული ფეხბურთის პრობლემა – ძნელია გამოარჩიო, რადგან ძალიან ბევრი პრობლემაა. მიუხედავად იმისა, რომ ფეხბურთის ფედერაციამ ბევრი კარგი გააკეთა, რომ ხალხი დააინტერესოს, თუნდაც პირდაპირი ეთერებით და ეს ძალიან მომწონს... მთავარი პრობლემა ალბათ კლუბების უმეტესობა ფედერაციის იმედზეა. აუცილებელია გუნდს ჰყავდეს მფლობელი, რომელიც რამდენიმე კარგ ლეგიონერსა ჩამოიყვანდა და ეს დონის ამაღლებასაც გამოიწვევდა. ფონდიდან გამოყოფილი თანხა ძირითადად ხელფასებში იხარჯება, მაშინ, როცა ეს პირიქით უნდა ყოფილიყო და ეს თანხა სხვა ნიუანსებს მოხმარებოდა.

ფავორიტი მარჯვენა მცველი – ძალიან მომწონს დანი ალვეშის თამაში და ვფიქრობ, დღეს საუკეთესოა ამ პოზიციაზე. თუმცა, გამოვყოფდი კაილ უოლკერსაც, რომელიც დაცვაშიც დამაჯერებელია და შეტევებშიც კარგად ერთვება, ფიზიკურად ძალიან ძლიერია.

ფავორიტი გუნდი – ბავშვობიდან დღემდე “მილანის” გულშემატკივარი ვარ და არჩევანი ჩემზე რომ იყოს, რაღა თქმა უნდა, სერია A-ში, “მილანში” ვითამაშებდი (იღიმის).

Loading...

კომენტარები (5)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
00:44 | 02.03.2018
ogafa (7601)

წარმატებები

14:33 | 01.03.2018
levani82 (41345)

lagashi

უმაღლეს ლიგაში გადავლენ. გადახედე ჩვენი ფეხბურთელები სად მიდიან

14:46 | 01.03.2018
lagashi (3029)

კარგად დაუგეგმავს მის აგენტს, კონკურენტი ბებერია და ამოაგდებს ძირითადიდან, გადავლენ უმაღლესში, მერე ვაისიც გამოიძახებს, ნაკრებში რომ ითამაშებს მერე ვინ იცის იქნებ სხვა უკეთესი ლიგიდანაც მიიღოს შემოთავაზება, მაგრამ ფეხბურთში რომ ასე მარტივად არ არის საქმე ეგ ხომ ვიცით ვინ მომცა ფეხბურთელობის ბედი თორემ ასეთ გადაწყვეტილებას ნაღდად არ მივიღებდი

14:16 | 01.03.2018
lagashi (3029)

მე რომ ნაკრების მწვრთნელი ვიყო ნაღდად არ ვათამაშებდი ხორვატიის მეორე ლიგის ფეხბურთელს. მარტო იმიტომ რომ ხორვატიის მეორე ლიგაა. მეგონა უკეთესი ხელფასის გამო წავიდა და თურმე უკეთესს აქ სთავაზობდნენო, თანაც როგორც ამბობს ძირითადი არც აქვს გარანტირებული.

14:50 | 01.03.2018
iceman (1900)

და არც ამბობს ახლა ვიმსახურებ ნაკრებსო, გარკვევით ჩამოაყალიბა ეროვნული ჩემპიონატიდან შანსი ა იყოო, ხოდა ახლა წავიდა ხორვატიაში და დიდი ალბათობით გაისად უმაღლეს ლიგაში ითამაშებს, შესაბამისად ხორვატიის უმაღლესი ლიგიდან ნაკრებში გამოძახების გაცილებით მეტი შანსი ექნება ვიდრე ვთქვათ სამტრედიაში თამაშით

14:51 | 01.03.2018
iceman (1900)

და ისე სულ იმას რო გავიძახით ფულის გამო არ უნდა წავიდეთ ყაზახეთში და რუსეთის ქვედა ლიგებშიო, ა ძმაო კაცი ხელფასი დაიკიდა და ევროპაში წავიდა თუნდაც მეორე დივიზიონი იყოს მაგრამ აინც ვლანძღავთ

15:02 | 01.03.2018
lagashi (3029)

20-20 წლის პერსპექტიული ბიჭი ან ნაკრების სტაბილური ფეხბურთელი რომ წავა ხელფასის გამო ისეთ ადგილას სადაც ეჭვქვეშ დადგება მისი სამომავლო განვითარება და კარიერა აი ეგ არის საწყენი, მაგრამ ეგ ბიჭი თუ მართლა 26 წლისაა და აქამდე ვერ მიიქცია ნაკრების ყურადღება მაშინ აწი ძალიან გაუჭირდება ამის გაკეთება, 4 წელიც და ვეტერანი იქნება (ქართული საზომით).

15:15 | 01.03.2018
iceman (1900)

ბაზარი არაა ამ ასაკში გრანდში ვეღარ გადავა მაგრამ სრულებით რეალურია რომ ხორვატიის უმაღლეს ლიგაში დაიმკვიდროს თავი რაც დამეთანხე საქართველოს ჩემპიონატშ ჯობია.

15:17 | 01.03.2018
iceman (1900)

თან 26 წელი ის ასაკია როცა ფეხბურთელი ფორმის პიკს აღწევს და შესაბამისად ვფიქრობ რო გაქაჩავს ხორვატიის უაღლეს ლიგას

15:38 | 01.03.2018
lagashi (3029)

კი ბატონო, ღმერთმა გისმინოს მაგრამ ხორვატიის დონის ჩემპიონატებში მრავლად გვყავს ბიჭები და ვერ ხვდებიან ნაკრებში. ნუ საპირისპირო მომენტებიცაა

14:11 | 01.03.2018
ლეო შე ყვე(ლ)ო!!! .......................... LApaata (1287)

ხორვატიის მეორე ლიგის ფეხბურთელმა რატომ უნდა ითამაშოს ნაკრებში ვერ ვხვდები.

14:06 | 01.03.2018
lagashi (3029)

26 წლის ასაკში ხორვატიის მეორე ლიგაში რომ არის ალბათ ოცნება ოცნებად დარჩება.

სარეკლამო ადგილი - 9
250 x 250
სარეკლამო ადგილი - 20
250 x 188
სარეკლამო ადგილი - 22
250 x 250
0.081011