არგენტინის ეროვნული ნაკრების და კატალონიის "ბარსელონას" თავდამსხმელმა ლიონელ მესიმ "ჟირონასთან" მოგებულ ლა ლიგის 25-ე ტურში დუბლი გაიფორმა და ერთი შედეგიანი გადაცემა შეასრულა. როგორც Goal-ი იუწყება, მესის ესპანეთის ჩემპიონატში 148 საგოლე გადაცემა დაუგროვდა და ამ კომპონენტში რეკორდსმენი გახდა.
სამხრეთამერიკელი ასევე ლა ლიგის ყველა დროის საუკეთესო ბომბარდირია 371 გოლით, რომელიც 407 მატჩში გაიტანა. მესიმ ასევე ლა ლიგაში 36 სხვადასხვა გუნდს გაუტანა და რეკორდი დაამყარა.
