ტურინის “იუვენტუსის” მთავარმა მწვრთნელმა მასიმილიანო ალეგრიმ “ტოტენჰემთან” ჩემპიონთა ლიგის მერვედფინალური მატჩის (2:2) შემდგომ კომენტარი გააკეთა და აღნიშნა, რომ “მამლების” ზეწოლამ ტურინელებს ბევრი შეცდომა დააშვებინა.

“ტოტენჰემი” მთელი თამაშის განმავლობაში ზეწოლას ახორციელებდა, რის გამოც ძალიან ბევრი შეცდომა დავუშვით. ვიცით, რომ განმეორებითი მატჩი ძალიან ძნელი იქნება, მაგრამ “იუვენტუსი” შეეცდება გამარჯვება მოიპოვოს.

პირველივე წუთებიდან 2:0-ს ვიგებდით, რის შემდგომაც მოთამაშეებს დაცვაში მკაცრად თამაში ვურჩიე, რადგან მეტოქე ფიზიკურად ძალიან კარგად იყო მომზადებული”, თუმცა ამან არ გაამართლა, - განუცხადა ალეგრიმ Football Italia-ს.

შეგახსენებთ, რომ განმეორებითი მატჩი ლონდონში, 7 მარტს, თბილისის დროით 23:45 საათზე გაიმართება.