სარეკლამო ადგილი - 12
X x X
ფეხბურთი

10:15 | 14.02.2018 | ნანახია 2830 - ჯერ

პსჟ-ს ამბიცია სამეფოზე გადის

უეფას ჩემპიონთა ლიგა დიდებულად განახლდა, მაგრამ დღეს კიდევ უფრო საინტერესო მატჩის მოლოდინია. აფიშა მართლაც შესაშურია: “რეალი” – პსჟ!

ფრანგული გუნდი ზაფხულში შესამჩნევად გაძლიერდა და ამას მხოლოდ ერთი მიზანი უდევს საფუძვლად – ჩემპიონთა ლიგის მოგება. მოკლედ, უნაი ემერის გუნდს ამაზე უკეთესი შანსი როდის უნდა მიეცეს? დასამტკიცებელი სწორედ მოქმედ ჩემპიონთან უნდა დამტკიცდეს.

პარიზული გუნდი ჯგუფურ ეტაპზე შეუდარებელი იყო და მიუნხენის “ბაიერნი” უკან მოიტოვა. აი, “რეალი” კი “ტოტენჰემს” ჩამორჩა და აქამდე საქმეები არც ისე კარგად მისდიოდა. თუმცა, ზინედინ ზიდანის გუნდმა ბოლო პერიოდში თამაშის ხარისხი მკვეთრად გააუმჯობესა და შესაბამისად, დღეს მისი ჩამოწერა უადგილო იქნება. პსჟ-ს საზომად კი სიმართლე რომ ვთქვათ, საფრანგეთის ლიგა 1 არ გამოდგება. რეალურად, ემერის ბიჭებს ამ სეზონში პირველი გამოცდის ჩაბარება დღეს საღამოს მოუწევთ.

ზიდანი ლამაზი თამაშის მოლოდინშია და აცხადებს, რომ ეს გულშემატკივრების სურვილიცაა. ემერი კი თავის მხრივ, “რეალს” საზომად მიიჩნევს და ამბობს, რომ სწორედ ეს მატჩი გამოაჩენს მისი გუნდის რეალურ ამბიციებს.

დღევანდელ მატჩში ესპანელები დანი კარვახალსა და ვალეხოს, ხოლო ფრანგები ლავინ კურზავასა და ტიაგო მოტას მოსაკლისებენ.

ზინედინ ზიდანი (“რეალის” მთავარი მწვრთნელი): “ჩემთვის მნიშვნელობა არ აქვს იმას, რომ პსჟ ფრანგული გუნდია. ჩემთვის მთავარია, რომ კარგი ფეხბურთი ვითამაშოთ. დიახ, მე მარსელიდან ვარ და პსჟ ყოველთვის ჩვენი მეტოქე იყო, მაგრამ ეს მადრიდის “რეალია” და ამაზე არ ვფიქრობ.

იმედი მაქვს, რომ კარგი მატჩი იქნება, რადგან ჩვენ სიამოვნებით ვთამაშობთ ასეთი ტიპის შეხვედრებს. გულშემატკივრებს ლამაზი ფეხბურთის ხილვა სურთ და სხვა არაფერი”.

უნაი ემერი (“პარი სენ ჟერმენის” მთავარი მწვრთნელი): “გვინდა, რომ ზრდა გავაგრძელოთ. მოქმედ ჩემპიონთა თამაში დაგვანახებს სად ვართ და სად გვინდა ასვლა. დიდ გუნდთან შეხვედრა კარგი თამაშისთვის ყოველთვის შანსია. ამაზე პრესტიჟული თამაში არ შეიძლება იყოს”.

სავარაუდო შემადგენლობები:

მადრიდი, “სანტიაგო ბერნაბუე”

14 თებერვალი, 23:45 საათი

“რეალი” (4-3-3): ნავასი; ნაჩო, რამოსი, ვარანი, მარსელო; კაზემირო, კროოსი, მოდრიჩი; ბეილი, რონალდუ, ბენზემა

მწვრთნელი: ზინედინ ზიდანი

“პარი სენ ჟერმენი” (4-3-3): არეოლა; დანი ალვეში, მარკინიოსი, ტიაგო სილვა, ბერჩიჩე; ვერატი, დიარა, რაბიო; მბაპე, კავანი, ნეიმარი

მწვრთნელი: უნაი ემერი

მსაჯი: ჯანლუკა როკი (იტალია)

“რეალი” პლეი-ოფში მეორე ადგილით გავიდა, ჩამორჩა რა, “ტოტენჰემს”, ხოლო “პარი სენ ჟერმენმა” “ბაიერნს” აჯობა და ქვეჯგუფში იპირველა.

“სამეფო კლუბი” უკვე ზედიზედ 7 სეზონია ნახევარფინალამდე აღწევს (სამჯერ იჩემპიონა), ხოლო პსჟ ჯერ კიდევ იმ ტკივილს იშუშებს, რომელიც ერთი წლის წინ ამავე ეტაპზე მიიღო. როდესაც, “ბარსელონასთან” წარმოუდგენლად გამოეთიშა ტურნირს (4:0, 1:6).

ურთიერთშეხვედრები

ეს გუნდები ბოლოს 2015-2016 წლების სეზონში ჯგუფურ ეტაპზე შეხვდნენ. პარიზში გოლი არ გასულა, ხოლო მადრიდში მასპინძლებმა 1:0 მოიგეს. ერთადერთი გოლი ნაჩომ 35-ე წუთზე, მოედანზე შესვლიდან 2 წუთში გაიტანა.

2015 წლის 3 ნოემბერს, “სანტიაგო ბერნაბეუზე” გუნდებმა ასეთი შემადგენლობით ითამაშეს:

“რეალი”: ნავასი, დანილო, რამოსი, ვარანი, მარსელო (ნაჩო 33), მოდრიჩი, კაზემირო, კროოსი, ხესე (ვასკესი 63), რონალდუ, ისკო (კოვაჩიჩი 82)

პსჟ: ტრაპი, ორიე, ტიაგო სილვა, დავიდ ლუისი, მაქსველი, ვერატი (რაბიო 17), ტიაგო მოტა, მატუიდი (ლუკასი 75), დი მარია, იბრაჰიმოვიჩი, კავანი

პსჟ-მ “რეალი” ევროსარბიელიდან ზედიზედ ორი სეზონის განმავლობაში გამოთიშა. 1992-1993 (უეფას თასზე 1:3, 4:1) და 1993-1994 წლების სეზონში თასების თასზე (1:0, 1:1).

1994 წლის 3 მარტს ჟორჟ ვეას გოლით ფრანგებმა ვისენტე დელ ბოსკეს “რეალი” დაამარცხეს. ეს მადრიდელთა ბოლო მარცხია საშინაო არენაზე ფრანგულ გუნდებთან.

მაშინ, “სანტიაგო ბერნაბეუზე” გუნდებმა ასეთი შემადგენლობით ითამაშეს:

“რეალი”: ბუიო, ჩენდო, გოიკოეჩეა, ალკორტა, სანჩისი (მორალესი 56), რამისი, ლუის ენრიკე, მიჩელი, სამორანო (მუნიოსი 85), მილა, დუბოვსკი (პროსინეჩკი 88)

პსჟ: ლამა, სასუ, კოლეტერი, რიკარდო, როშე, ლასერი, ფურნიე, გუერინი, ვეა, ვალდო, ჟინოლა

ფაქტები

“რეალი”

“რეალი” ეცდება მეოთხედფინალში ზედიზედ მერვედი გავიდეს. მთლიანობაში 1/8 ფინალში მადრიდელთა ბალანსი დადებითია: 8 გამარჯვება, 6 მარცხი. 2005-2010 წლებში ესპანური გუნდისთვის ეს ბარიერი დაუძლეველი იყო.

შარშან “რეალმა” ამავე ეტაპზე “ნაპოლი” დაამარცხა (3:1, 3:1).

“სამეფო კლუბმა” სახლში ბოლო 39 მატჩიდან 33 მოიგო (ევროსარბიელზე). მარცხი კი, ერთხელ განიცადა 2014-2015 წლების სეზონის მერვედფინალში “შალკესთან” (3:4).

მიმდინარე სეზონში ზინედინ ზიდანის გუნდმა მადრიდში 7 ქულა მოიპოვა (“აპოელთან” 3:0, “დორტმუნდთან” 3:2 და “ტოტენჰემთან” 1:1).

კრიშტიანუ რონალდუ გახდა პირველი ფეხბურთელი, რომელმაც ჯგუფური ეტაპის ყველა მატჩში მოახერხა გოლის გატანა.

“რეალმა” ევროტურნირებზე ბოლო 25 მატჩიდან მხოლოდ 2 წააგო. 17 გამარჯვება და 6 ფრე.

“რეალმა” ბოლოს ფრანგული გუნდებიდან სწორეს პსჟ-ს წინააღმდეგ ითამაშა 2015 წელს. ბოლო 9 თამაშიდან კი, ფრანგ მეტოქეებთან დაუმარცხებელია (6 მოგება, 3 ფრე). ესპანელები ბოლოს “ლიონთან” დამარცხდნენ 2010 წელს მერვედფინალში.

ბოლო ხუთ მატჩში “რეალს” ფრანგული გუნდებისგან გოლი არ გაუშვია (4 მოგება, 1 ფრე, 10 გატანილი გოლი).

1994 წელს პსჟ-სთან განცდილი საშინაო მარცხი “რეალისთვის” ფრანგულ კლუბებთან ერთადერთია (10 მოგება, 3 ფრე, 1 წაგება).

“ბლანკოსს” პლეი-ოფში ფრანგულ გუნდებთან უარყოფილით ბალანსი აქვს: 3 გასვლა შემდეგ ეტაპზე და 4 გამოთიშვა.

“რეალი” გახდა პირველი გუნდი, რომელმაც ზედიზედ ორჯერ მოიგო ჩემპიონთა ლიგა.

პსჟ

პსჟ მერვედფინალში ზედიზედ და საერთოდ, მეექვსედ ითამაშებს. თავიდან, ოთხჯერ პარიზელები შემდეგ ეტაპზე გავიდნენ, ხოლო შარშან “ბარსელონას” ბარიერი ვერ დაძლიეს.

პსჟ-მ ჩემპიონთა ლიგის ისტორიაში ყველაზე დიდი ქამბექი მიიღო. “ბარსელონა” შინ 4:0 დაამარცხა, მაგრამ მერე ესპანეთში 1:6 წააგო და ტურნირს გამოეთიშა.

ესპანეთში “პარი სენ ჟერმენის” ბალანსი ასეთია: 4 მოგება, 2 ფრე, 7 წაგება. ბოლო ოთხი სტუმრობა კი, მარცხით დაასრულა. სამჯერ ბარსელონაში და ერთხელ მადრიდში.

პსჟ-მ ჯგუფში 25 გოლი გაიტანა და ეს ჯგუფური ეტაპის რეკორდია ჩემპიონთა ლიგის ისტორიაში.

ფრანგებს ბოლო 12 საგარეო მატჩიდან 7 მოგებული აქვს.

პლეი-ოფში პსჟ ესპანური გუნდების წინააღმდეგ ასეთი ბალანსით იწონებს თავს: 5 გასვლა შემდეგ ეტაპზე და 3 გამოთიშვა. სამჯერვე ფრანგები “ბარსელონასთან” დამარცხდნენ. 2013, 2015 და 2017 წლებში.

პსჟ-ს მერვედფინალის პირველი მატჩი არასდროს წაუგია (4 მოგება, 1 ფრე).

მწვრთნელები და ფეხბურთელები: გზაჯვარედინი

ზინედინ ზიდანს პსჟ-ს წინააღმდეგ “ბორდოს” რიგებში ოთხჯერ უთამაშია (2 მოგება, 1 ფრე, 1 წაგება).

უნაი ემერი ფეხბურთელობისას “რეალის” მეორე გუნდს ორჯერ დაუპირისპირდა, როდესაც “ტოლედოს” რიგებში თამაშობდა (2 მოგება). “ალმერიას”, “ვალენსიასა” და “სევილიას” თავკაცის რანგში კი, “სამეფო კლუბთან” 20 მატჩიდან 5 მოიგო, 1 ფრე ითამაშა და 14-ჯერ წააგო.

ანხელ დი მარიას “რეალში” 124 მატჩში 22 გოლი აქვს გატანილი მხოლოდ ლა ლიგის ეგიდით. 2014 წელს, ჩემპიონთა ლიგის ფინალში “ატლეტიკოსთან” არგენტინელი საუკეთესო ფეხბურთელად დასახელდა.

დანი ალვეში მოედანზე იყო, როდესაც “რეალმა” “იუვენტუსი” შარშან ფინალში დაამარცხა.

“ვოლფსბურგის” რიგებში იულიან დრაქსლერმა “რეალი” 2:0 დაამარცხა 2016 წელს მეოთხედფინალში. თუმცა, საპასუხო მატჩი 0:3 წააგო.

რაფაელ ვარანმა “ლანსის” რიგებში მეხუთე მატჩი სწორედ პსჟ-ს წინააღმდეგ ჩაატარა 2011 წელს საფრანგეთის თასზე და 1:5 წააგო. ერთი თვის თავზე კი პარიზში ფრეს გამორჩა (0:0).

ქარიმ ბენზემას “პარი სენ ჟერმენის” წინააღმდეგ 7-ჯერ უთამაშია “ლიონის” მაისურით (4 მოეგბა, 2 ფრე, 1 წაგება).

2015 წლის დეკემბერში “ვილიარეალში” მოთამაშე ალფონს არეოლამ “რეალი” 1:0 დაამარცხა.

2017 წლის 14 ნოემბერს, ტრაპის, კროოსისა და დრაქსლერის გერმანია ამხანაგურ მატჩში მბაპეს, რაბიოს, ვარანისა და კურზავას საფრანგეთს დაუზავდა (2:2).

თანაგუნდელები ეროვნულ ნაკრებებში

კაზემირო, მარსელო და ტიაგო სილვა, მარკინიოსი, დანი ალვეში, ნეიმარი (ბრაზილია)

რაფაელ ვარანი და ლაუვინ კურზავა, ადრიენ რაბიო, კილიან მბაპე (საფრანგეთი)

ტონი კროოსი და კევინ ტრაპი, იულიან დრაქსლერი (გერმანია)

ერთად უთამაშიათ

ბორხა მაიორალი და იულიან დრაქსლერი (“ვოლფსბურგი” 2016)

სერხიო რამოსი და დანი ალვეში (“სევილია” 2003-2005)

საფრანგეთში უთამაშიათ

ქარიმ ბენზემა (“ლიონი” 2005-2009)

რაფაელ ვარანი (“ლანსი” 2010-2011)

ესპანეთში უთამაშიათ

იური ბერჩიჩე (“ვალიადოლიდი” 2009-2010, “რეალ უნიონი” (2010-2012, “ეიბარი” 2012-2014, “სოსიედადი” 2014-2017)

ნეიმარი (“ბარსელონა” 2013-2017)

ალფონს არეოლა (“ვილიარეალი” 2015-2016)

დანი ალვეში (“სევილია” 2002-2008, “ბარსელონა” 2008-2016)

ტიაგო მოტა (“ბარსელონა” 2001-2007, “ატლეტიკო” 2007-2008)

Loading...

კომენტარები (27)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
03:41 | 15.02.2018
emigrat77 (1065)

რონიმ მაგარი გააფუჭა ასეთები მაინც გაქოდა ამ ჩემალალა&ს

03:24 | 15.02.2018
levani82 (41434)

El Capitano 7

რას იტყვი როგორ ისიამოვნე?

01:54 | 15.02.2018
El Capitano 7 (35967)

ძაან დონეა ზიზუ

00:49 | 15.02.2018
fidofido (1369)

პსჟ ამისგან გუნდი არდადგება პენალტი ძალით აჩუქეს

00:14 | 15.02.2018
emigrat77 (1065)

რონიმ მაგარი გააფუჭა ასეთები მაინც გაქოდა ამ ჩემალალა&ს

23:12 | 14.02.2018
burusa (2008)

რეალი დიდი ანგარიშით იგებს დამიჯერეთ! შარშან ბარსას განმეორებითი თამაში გამოვიცანი პსჟსთან ასე რომ მენდეთ )))

21:29 | 14.02.2018
valeri8848 (1915)

პსჟ დღეს არ წააგებს

20:13 | 14.02.2018
mjgiri (3973)

პსჟ საერთოდ არაა ლიგის ფავორიტი.ბარსელონა ვალვერდეს სტილით იოლად დაამრცხებდა.ან კლოპი თავისი გეგენპრესინგით.იტოგში რეალმა ან ავტობუსი უნდა ჩააყენოს(რაც გამორიცხუულია)ან მაღალი პრესინგი ითამაშოს,ფლანგებიდან გადაცემებით(თან ფლანგებზე კარგია)ცოტა სახიფათო ტაქტიკაა თუ გავითვალისწინებთ,რომ ემერის კონტრშეტევებისთვის იდეალური სამეული ყავს,მაგრამ რელს კაზემიროს გამოყენება შეუძლია.

18:43 | 14.02.2018
tomasmuller (633)

ამ ბილეთზე რას ფიქრობთ
რეალი-პსჟ 1
რეალი-პსჟ 12.5 ნაკლები კუთხურები
პორტო-ლივერპული 2
პორტო-ლივერპული8.5 მეტი კუთხურები
ბაიერნი-ბეშიქთაში ფორით 1
ნაპოლი-ლაიფციგი 1
დორტმუნდი-ატალანტა 1X

20:19 | 14.02.2018
emigrat77 (1065)

ჩემიაზრით ნაპოლის მოგება და რეალის კუთXურების ნაკლებობა არის საეჭვო,
ნაპოლი გადართულია სერია ა ზე და ასე რომ არაგმონია თAვი შეაკლას ევროლიგას,
რეალი პსჟ კუთხურებს რაც შეეხება ჩემიაზრით ორივე გუდს კარგი ფლაგები ყავს და ბევრი კუთხური გადავა,

18:25 | 14.02.2018
tomasmuller (633)

პორტო ლივერპულს რასფიქრობთ

16:52 | 14.02.2018
XoMe (950)

რა შეტევა ყავ პსჟ-ს : ))) ბევრი გოლი გავა დღეს : )

16:49 | 14.02.2018
Magician (206)

დღეს იქნება ნამდვილი ჯახი და მგონია, რომ "პსჟ" არ წააგებს.

1. "რეალი" არ არის სახარბიელო ფორმაში, თუმცა ეს ჩემპიონთა ლიგაა.
2. თუ რამის ჩვენება სურთ ფრანგებს, ახლა უნდა აჩვენონ.
3. თუ "პსჟ" წააგებს/განადგურდება, ეს იქნება ემერის ბრალი. ასეთ კლუბში, ასეთი მწვრთნელი, გასაკვირია.
4. ნეიმარს, ვინც არ უნდა დაუყენო წინ, შეუძლია გააბითუროს :დ არ მგონია, მისი შემჩერებელი ვინმე იყოს.


მოკლედ, ველოდები უხვგოლიან თამაშს და სულ მცირე, 1-2 გოლს "პსჟ"-გან. უბრალოდ, ასეთ ფორმაში მყოფმა "რეალმა" შეუძლებელია გაანადგუროს "პსჟ". მაქსიმუმ, 1 გოლით მოგება ველოდებით თამაშს!

16:30 | 14.02.2018
chamilo (33470)

პსჟ-ს ორი სუსტი მხარე აქვს
1)ცენტრი ძლიერ გუნდებთან,სადაც მეტოქეს ძლიერი ცენტრი ჰყავთ,საკმაოდ ადვილად კარგავენ ცენტრს
2)ძალიან დამოკიდებულები არიან ნეიმარზე

ზიზუ სავარაუდოთ ისე ეთამაშება ემერს როგორც ჰაინკესმა გააკეთა,ცენტრი წაართვა და აკონტროლებდა თამაშს და რაც მთავარია ამოკეტა ნეიმარი,1-1 ზე არასდროს ტოვებდნენ ნეიმართან ფეხბურთელს,მეორე დამხმარე ყოველთვის ჰყავდა დამზღვევად,რაც არ უნდა ცუდ ფორმაში იყვნენ მაინც მადრიდის რეალია და საკმაოდ დაძაბულ 2 თამაშს ველოდები

14:47 | 14.02.2018
გ.ი.გ.ზ.ი. (4181)

რონალდო დგესაც გაიტანს

14:46 | 14.02.2018
millllani (175)

რეალი>პსჟ

14:20 | 14.02.2018
barcelona1991 (3440)

დიდი მატჩი გველის.ვფიქრობ პსჟ დღეს არ წააგებს.ორი მატჩის ჯამში კი უნდა დაძლიოს რეალის ბარიერი.მითუფრო მთლიანობაში წელს რეალი არ არის ფორმაში.პსჟ-მ დროა დაამტკიცოს თავისი ამბიცია.თუ არ გამოუვა ნემარში და მბაპეში გადახდილი მსხვილი თანხები წყალში გადაყრილი გამოდის.ლიგა1-ს მაგათ გარეშეც მოიგებდნენ.ლიგაზე უნდა გავიდნენ შორს.მინიმუმ ფინალის დადება იქნება ამ პსჟ-ს მიზანი ასე მგონია მე პირადად.

14:09 | 14.02.2018
emigrat77 (1065)

14:04 | 14.02.2018
emigrat77 (1065)

მაგრად მიდა რეალი გამოაგდოს პსჟ მარა ზაან პატარა შანსიაქვთ ჩემიაზრით,
დღეს რეალი დაუშვებს მიწაზე პსჟ და კარგი ერთიანი მგონია,
არამგონია რეალი ასე მალე გამოეთიშოს ყველა ტურნირს

16:27 | 14.02.2018
პინტურიჩიო10 (12662)

მე ჰანდიკაპით ორიანი ვლეწე და რავიცი )))))))) 2 ბურთით ვაგებინებ "ფრანგებს" თამაშს ამბიციებმა შემიპყრეს)))))

14:03 | 14.02.2018
კორბენ ცრუმართალა (13790)

ვისიამოვნოთ დიდი ფეხბურთით.
თუ წლევანდელ ჩემპიონთა ლიგას ხაშლამით სავსე სინს შევადარებთ, პსჟ-რეალი ნაღდად ყველაზე გემრიელი და თახთახა ნაჭერი უნდა გამოვიდეს
ამას ახალთახალ ნივაშიც არ გავცვლიდი

13:27 | 14.02.2018
Beka-1991 (557)

გამორიცხულია რო ისეთი გუნდი როგორიც რეალია, შუა სეზონის დროს გამოთიშული იყოს ლა ლიგისთვის, თასისთვის და ლიგისთვის ბრძოლას. ერთერთზე მაინც ხო უნდა იყვნენ საჩემპიონო მარულაში ჩართული. ხოდა სავარაუდოდ პსჟ კარგად გადაკუზავენ და მერე მოვიდნენ ჩემებთან, ანგარიშები გვაქ გასასწორებელი

23:15 | 14.02.2018
burusa (2008)

ჩემს გულში იჯექი მეც მანდ ვარ ძმა ზუსტად ეგრე იქნება რეალი თავზე დაახევს ბურთს და მერე ჩვენ მივხედავთ

11:44 | 14.02.2018
didier_drogba (12474)

ისე რა კარგია ყოჩაღ კომენტატორებს ანგარიშს რომ არ აცხადებენ

11:42 | 14.02.2018
federerjamesliverpooldelpotro (10604)

რა მაგარი თAმაში იქნება მე და გიგა გვენცაძემ ლივერპულს უნდა ვუყუროთ რა აზრი აქ

11:36 | 14.02.2018
didier_drogba (12474)

დღეს 13 თებერვალს გორის ,,დილამ" თურქულ შეკრებაზე, მორიგი ამხანაგური შეხვედრა, უკრაინულ ,,ვოლინთან" გამართა და 2-1 იმარჯვა.

შეხვედრის პირველი ტაიმი უგოლო ფრით დასრულდა.

მატჩის პირველი გოლი შეხვედრის მეორე ნახევარში, ჩვენი გუნდის ახალწვეულმა, ნოდარ ქავთარაძემ გაიტანა და ,,დილა" დააწინაურა, ცოტა ხანში გიორგი ფანცულაიამ მეორედ აიღო მეტოქეთა კარი და ,,დილას უპირატესობა ორბურთიანი გახადა, რასაც მეტოქემ საჯარიმო დარტყმიდან გატანილი 1 გოლით უპასუხა და შეხვედრის საბოლოო ანგარიში, 2-1 დააფიქსირა.

,,დილა" შეხვედრის პირველ ტაიმში შემდეგი შემადგენლობით გამოვიდა მინდორზე: ბეგაშვილი, სუხიაშვილი, სეზგინი, ჩადუნელი კერელეიშვილი, პავლო, სამუშია ჯიბრინი, ფორტესი, ნიდალი, აშორტია.

მეორე ტაიმი: ბეგაშვილი, სუხიაშვილი, გოგიაშვილი, კვახაძე, მაჩაიძე, ნონდი, რაჟამაშვილი, ნონიკაშვილი, ქავთარაძე, ფანცულაია კოვტალიუკი.

11:32 | 14.02.2018
didier_drogba (12474)

კიდე კაი ეს ბენატია მოიცილა ბავარიამ ჭკვიანები არიან ნემცები

10:53 | 14.02.2018
ogafa (8216)

მოუგებს ვითომ პსჟ

13:22 | 14.02.2018
Beka-1991 (557)

გაუჭირდებათ ძმაო

10:47 | 14.02.2018
irakli_1980 (146)

ფრანგებს ესპანელი წრთვნის, ხოლო ესპანელებს ფრანგი

10:46 | 14.02.2018
Oto. (4545)

ამ წყვილიდან პსჯ მინდა გავიდეს მაგრამ დღეს რეალი მოიგებს....

სტატისტიკა
0.456962