ფეხბურთი

3:54 | 14.02.2018 | ნანახია [] - ჯერ

"სიტიმ" "ბაზელი" მოინელა (+VIDEO)

“მანჩესტერ სიტი” ჩემპიონთა ლიგის მთავარი ფავორიტია. ეს, სხვების შანსებს არ აკნინებს, მაგრამ პეპ გვარდიოლას გუნდი მიმდინარე სეზონში უბრალოდ მოუსვენარია. შორს ვართ იმ აზრისგან, რომ ჩემპიონთა ლიგაზე “ბაზელი” რამის საზომად გამოდგება, მაგრამ...

მაგრამ, “ქალაქელებმა” მეოთხედფინალის საგზური შვეიცარიაშივე გაინაღდეს. ილქაი გუნდოგანმა თავისივე დაწყებული საქმე დაამთავრა, ხოლო შუალედში ბერნარდო სილვამ და სერხიო აგუერომაც გაიტანეს. მოკლედ, 4:0.

“სიტი” ისეთ იშტაზეა, ძნელი იქნება მისი გაჩერება. ფაქტია, აგერ სეზონის ნახევარზე მეტი გავიდა და ვერავინ, ვერცერთ ტურნირზე მანჩესტერული გუნდის არათუ შეფერხება (შეჩერებას ვინ ჩივის), არამედ ჯეროვანი წინააღმდეგობის გაწევაც ვერ შეძლო.

ვნახოთ, მეოთხედფინალებამდე ჯერ დიდი დროა და რა შეიცვლება. იქამდე კი, “მანჩესტერ სიტი” უბრალოდ არანორმალურად მაგარი გუნდია!

“ბაზელი” – “მანჩესტერ სიტი” 0:4 (0:3) VIDEO

ბაზელი, “სენტ იაკობს პარკი”

მაყურებელი: 36 000

“ბაზელი” (5-4-1): ვაცლიკი; ლანგი, ჯაკა, ლაკრუა, სუხი, რივეროსი; ელიუნუსი (ბუა 85), ფრეი, სერეი დიე, სტოკერი (აჯეტი 71); ობერლინი

მწვრთნელი: რაფაელ ვიკი

“მანჩესტერ სიტი” (4-3-3): ედერსონი; უოლკერი, კომპანი, ოტამენდი, დელფი; დე ბრუინი (დავიდ სილვა 63), ფერნანდინიო, გუნდოგანი; ბერნარდო სილვა, აგუერო (დანილო 85), სტერლინგი (სანე 57)

მწვრთნელი: პეპ გვარდიოლა

გოლები: 0:1 გუნდოგანი (14), 0:2 ბერნარდო სილვა (18), 0:3 აგუერო (23), 0:4 გუნდოგანი (53)

გაფრთხილება: ჯაკა (38), სერეი დიე (89) – ფერნანდინიო (59), გუნდოგანი (89)

სტატისტიკა – კარისკენ დარტყმები: 9 (3) – 10 (7) ბურთის ფლობა: 31%-69% კუთხურები: 3:6 თამაშგარე: 4:3

მსაჯი: იონას ერიქსონი (შვედეთი)

0.145716