კალათბურთი

10:27 | 13.02.2018 | ნანახია 1239 - ჯერ

ჟულივეტ ტოუჯანის ბლიცი

რუბრიკა "ბლიცი"-ს სტუმარია ზაზა ფაჩულიას აკადემიის მწვრთნელი ჟულივეტ ტოუჯანი. საქართველოს ჩემპიონი "ბასკოში" და "ენერჯი ინვესტში", თავისი თაობის ერთ-ერთი საუკეთესო დამცველი საქართველოს ჩემპიონატში - ტოუჯანი დღეს აკადემიის წევრია, რომელიც პატარებს გამოცდილებას აძლევს.

1. რას ნიშნავს თქვენთვის ზაზას აკადემია?

ჟულივეტ ტოუჯანი: "ძალიან ბევრს. ზაზა ფაჩულიას აკადემია საქართველოში საუკეთესოა. სტრუქტურულად გამართული, პროგრესირებადი პოლიტიკა და ის ხედვა, რაც ზაზას აქვს, მის აკადემიას ბევრად, ბევრად წინ აყენებს."

2. რა არის თქვენი მიზანი ამ აკადემიაში?

ჟ.ტ: "ჩემი მიზანი ახალგაზრდებისთვის გამოცდილების გაზიარება, მათთვის ბევრი ნიუანსის ახსნა, მათი ფუნდამენტალური საწყისების გამდიდრებაა. მინდა, რომ ზაზას აკადემიიდან გასული მოთამაშე არა მხოლოდ უკეთესი კალათბურთელი, უკეთესი ადამიანი გახდეს."

3. გენატრებათ კალათბურთის თამაში?

ჟ.ტ: "რა თქმა უნდა მენატრება. როდესაც ამდენი წელიწადი თამაშობ და შემდეგ, უცბად, აღარ თამაშობ, ასე უცბად ამასთან შეჩვევა ცოტა რთულია. უბრალოდ, რაღაც მომენტში ხვდები, რომ მორჩა, შენ კარიერა უნდა დაასრულო."

4. დაახასიათეთ ზაზა ფაჩულია.

ჟ.ტ: "ზაზა ჩემი მეგობარია. საქართველოში ზაზა ძალიან დიდია. და მან ეს დაიმსახურა. რამდენი იმუშავა, რამდენი იშრომა, რომ მიეღწია იმ მიზნისთვის, რაც NBA-ს ჩემპიონობა, კალათბურთის მწვერვალია. ზაზა ძალიან ბევრს აკეთებს საქართველოში კალათბურთის გაუმჯობესებისთვის. მინდა, კიდევ ერთხელ გადავუხადო მას მადლობა ამ შანსისთვის და იმედი მაქვს, რომ აკადემიას, პატარებს ბევრს მივცემ."

ზურაბ თალაკვაძე

Loading...

კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
16:10 | 13.02.2018
eke99 (1255)

კაი კაცია ჟულივეტი. წარმატებები

15:26 | 13.02.2018
temo11 (1499)

წარმატებები ტუჯან, ჭკვიანი ბიჭია და იმედია რამე გამოვა

11:07 | 13.02.2018
ogafa (7764)

წარმატებები

სარეკლამო ადგილი - 20
250 x 188
სარეკლამო ადგილი - 22
250 x 250
0.079342