მიუნხენის “ბაიერნის” თავდამსხმელი რობერტ ლევანდოვსკი მადრიდის “რეალში” გადასვლას არ აპირებს. პოლონელმა ფეხბურთელმა ესპანეთში შესაძლო გადაბარგების შესახებ გავრცელებული ინფორმაცია უარყო.
“ეს მხოლოდ ჭორებია, რომელიც არ მაინტერესებს”, - განაცხადა ლევანდოვსკიმ.
შეგახსენებთ, რომ ცოტა ხნის წინ, ესპანური მედია აქტიურად ავრცელებდა ინფორმაციას, რომლის თანახმადაც, ლევანდოვსკი ზაფხულში “ბაიერნის” დატოვებას და “რეალში” გადასვლას აპირებდა.
