საქართველოს ეროვნული ნაკრების მცველ დავით ხოჭოლავას “შახტარის” ოფიციალური ვებგვერდის საშუალებით დაბადების დღე მიულოცეს. “მეშახტეებმა” ჩვენებურისთვის საქებარი სიტყვები არ დაიშურეს. ახალგაზრდა ფეხბურთელეს ჯანმრთელობა, უწყვეტი ოპტიმიზმი და წარმატებები უსურვეს.

"ხოჭოლავა ნიჭიერი და მიზანდასახული ფეხბურთელია, რომელიც ვითარდება. გუნდის მწვრთნელებსა თუ გულშემატკივრებს მისი იმედი აქვთ. გვსურს ვუსურვოთ ჯანმრთელობა, უწყვეტი ოპტიმიზმი და მრავალი ახალი წარმატებები”, - წერენ “შახტარის” ოფიციალურ ვებგვერდზე.

აქვე გეტყვით, რომ ქართველი მცველი “მაღაროელების” შემადგენლობაში ოდესის “ჩერნომორეციდან” მიმდინარე სეზონის დაწყებამდე გადავიდა და ამ ხნის განმავლობაში ჩემპიონთა ლიგის ოთხ და უკრაინული პრემიერლიგის 5 შეხვედრაში მიიღო მონაწილეობა. ცოტა ხნის წინ გავრცელდა ინფორმაცია თითქოს ბელგიური “ბრიუგე” ხოჭოლავას მიმართ ინტერესს იჩენდა, თუმცა ოფიციალური შეთავაზება არ ყოფილა.

შეგახსენებთ, დავით ხოჭოლავა 25 წლის გახდა.