ლატვიის რფს-მა ქართველი ნახევარმცველი ბექა ვაჩიბერაძე წარადგინა. ვაჩიბერაძე 1996 წელსაა დაბადებული, მოზარდობისას გადაბარგდა უკრაინაში და დონეცკის “შახტარის” აკადემიაში მოხვდა. უკრაინის ყველა ასაკობრივი ნაკრებიც გამოიარა. მეტიც, საუკეთესოთაგანი იყო.

მან შარშან მიიღო საქართველოს მოქალაქეობა და ახლა უკვე შეუძლია ჩვენს ნაკრებში თამაში. ბოლო წლებში ვაჩიბერაძე ესპანური “ბეტისი ბ”-ში გახლდათ.

რაც შეეხება რფს-ს, ლატვიის შარშანდელ ჩემპიონატში მეხუთე ადგილზე გავიდა. გუნდში თამაშობენ ქართველი მარცხენა მცველი ლაშა შერგელაშვილი და ნახევარმცველი გიორგი დიაკვნიშვილი.