ზაზა ფაჩულიას “გოლდენ სტეიტი” გასვლაზე “დენვერთან” 115:108 დამარცხდა. ზაზა ტრადიციულად სასტარტო 5-ეულში იმყოფებოდა და პარკეტზე 19 წუთი დაჰყო, ამ დროში ქართველმა ცენტრმა გუნდს 10 ქულა, 8 მოხსნა, 2 პასი და 1 ჩაჭრა შესძინა. ფაჩულიამ 7-დან 4 ორქულიანი და 2-დან ორი საჯარიმო სროლა ჩააგდო.

რაც შეეხება უშუალოდ შეხვედრას, მატჩის ბედი ბოლო პერიოდმა გადაწყვიტა, რომელიც “დენვერმა” 38:25 მოიგო.

მატჩში ყველაზე მეტი 31 ქულა კევინ დურანტმა ჩააგდო. “დენვერში” 25 ქულით ბარტონი გამოირჩა.

41 მოგებით და 12 წაგებით დასავლეთ კონფერენციას “გოლდენ სტეიტი” ლიდერობს. მომდევნო მატჩში ოკლენდელები შინ “ოკლაჰომას” დაუპირისპირდებიან, მატჩი 7 თებერვალს თბილისის დროით 07:30 საათზე არის ჩანიშნული.