ფიგურულ სრიალში პოლონეთის ქალაქ ტორუნში გამართულ საერთაშორისო ტურნირზე ახალგაზრდებს შორის წყვილთა თანრიგში, მარია კაზაკოვამ და გიორგი რევიამ გამარჯვება მოიპოვეს. ქართველებმა მოკლე და თავისუფალ პროგრამებში ჯამში 132.07 ქულა დააგროვეს და მეორე ადგილზე გასული უკრაინელები, მარია გოლუბცოვა და კირილ ბელობროვი 2.1 ქულით ჩამოიტოვეს.

აღნიშნული ტურნირი უფროსებს, ახალგაზრდებს და ახალბედებს შორის ყოველწლიურად ტარდება. Mentor Torun Cup-ის ოფიციალური ვებგვერდის ინფორმაციით, მიმდინარე წელს შეჯიბრებაში 30 ქვეყნის 280-მდე სპორტსმენმა მიიღო მონაწილეობა.