ინგლისური “ლივერპული” დორტმუნდის “ბორუსიას” ამერიკელი ნახევარმცველის, კრისტიან პულიშიჩის გადაბირებას აპირებს. Mundo Deportivo-ს ცნობით, 19 წლის შემტევი ინგლისელების მთავარი სამიზნე იქნება ზაფხულის სატრანსფერო პერიოდში.

აღსანიშნავია, რომ პულიშიჩის შეძენით დაინტერესებული მიუნხენის “ბაიერნიცაა”, სადაც მას არიენ რობენისა და ფრანკ რიბერის შესაძლო შემცვლელად განიხილავენ.

პულიშიჩს “დორტმუნდში” დებიუტი 2015 წელს ჰქონდა. მიმდინარე სეზონში მან ბუნდესლიგაში 19-ჯერ ითამაშა და 3 გოლის გატანა მოახერხა. “დორტმუნდთან” კონტრაქტი კი, 2020 წლის ზაფხულამდე აკავშირებს.