საფეხბურთო კლუბ “ვიტ ჯორჯიაში” 1998 წელს დაბადებული თორნიკე მუზაშვილი 2021 წლის ბოლომდე ითამაშებს. ეს “ვიტ ჯორჯიას” პრესსამსახურის ინფორმაციაა.
ამპლუით თავდამსხმელ მუზაშვილს საქართველოს 17-წლამდელთა ნაკრებში სამი მატჩი აქვს ჩატარებული. იგი გახლავთ ჩვენი ქვეყნის 20-წლამდელთა ნაკრების წევრი და 21-წლამდელთა გუნდის კანდიდატი. თორნიკე შარშან თბილისის “ლოკომოტივში” გამოდიოდა, ხან დუბლებში, ხანაც 19-წლამდელთა გუნდში.
მუზაშვილის დებიუტი საქართველოს დავით ყიფიანის სახელობის თასის 2015/2016 წლების სეზონში “ვიტ ჯორჯიასთან” მატჩში შედგა, საქართველოს ეროვნულ ლიგა ერთში კი (რანგით უმაღლესი ლიგა) თავისი სადებიუტო შეხვედრა თორნიკე მუზაშვილმა გასულ სეზონში - ქობულეთის “შუქურას” წინააღმდეგ ჩაატარა.
