ცნობილი ამბავია, რომ ჰოლივუდის უპოპულარულესი ვარსკვლავი, მილა იოვოვიჩი არ ივიწყებს თავის წარმოშობას და ფესვებს, რაც ყველაფერთან ერთად იმაშიც გამოიხატება, რომ მილა დონეცკის “შახტარის“ ქომაგია, ამ კლუბს მას მერეც გულშემატკივრობს, რაც დონბასის მხარე სეპარატისტებმა დაიკავეს და “შახტარი“ სტადიონის გარეშე დარჩა.
მილა იოვოვიჩის მხრიდან დონეცკური კლუბის სიყვარულის მორიგი ნათელი გამოვლინებაა ის, რომ მილას განცხადებით იგი ჩემპიონთა ლიგის მერვედფინალში მეშახტეების საქომაგოდ ევროპაში აპირებს გამომგზავრებას და დიდი იმედიც აქვს, რომ მისი საყვარელი გუნდი ამ ბარიერს გადალახავს.
როგორც იცით, დონეცკის “შახტარი“ ყველაზე პრესტიჟული ევროპული საკლუბო ტურნირის მერვედფინალში იტალიის ვიცეჩემპიონ “რომას“ ხვდება და ამ ეტაპის გადალახვა მისთვის ძელიან რთული იქნება. თუმცა, როდესაც მილა იოვოვიჩისთანა ქალი გქომაგობს - შეუძლებელი და წარმოუდგენელი ალბათ აღარაფერია!
